endlich

s'Birrfeld im aargau wär ideal

dä flughafe z'dübedorf wär au isi, aber die komisch konservative vom fluglärm plagt zürcher händ ehh öbbis degäge *duckUndWegrenn*

jo das find ich doch mal en intressante ziitigsusschnitt:)
ha scho vo quellene ghört das e strecki zimmli fertig plant seg und mer nur na uf die gsetzesufhebig warti. de gnau ort seg aber nanig würklich erruiert. wiiters hani leider au nanig erfahre. öb die quelle au würklich top informiert isch da drüber, weissi ned, aber bis jetzt sind d'infos immer guet gsi

weg de investore, denki sett da bi de erschte strecki i de schwiiz keis problem sii. meine da währ doch e rechts prestige (oder wie mer de kackfranzusdruck au immer schriibt) die erscht rundstrecki i de schwiiz baut z'haa nach bald 40 jahr!
also ich denke wenn mer da recht aapackt, e gueti vorlaag vorliit etc. sett da scho machbar sii. natürlich isch i de schwiiz eh mal wider alles türer, da isch ja klar.

Zitat

Original von Hypi
s'Birrfeld im aargau wär ideal

dä flughafe z'dübedorf wär au isi, aber die komisch konservative vom fluglärm plagt zürcher händ ehh öbbis degäge *duckUndWegrenn*

ich glaub da würded au ihr aargauer dumm due wenn bi eu de flughafe währ und d'flugis eu um de grind würded schwinge.
finds eifach chli bedenklich das die wo s'flugzüg am meischte benutzed (gschäftsleuts, bonze wo schnell mit em flugi uf genf abedüsed, etc) am lüütischte umeschreied und dumm düend.

und für die 2 rentner det bi weisslingen umenand e fetts für ihri blendaktion wo die neu aaflugfüehrig iigfüehrt worde isch!

hehe, ja guuuuet, do hesch wahrschinli scho rächt, git jo überall bünzlis wo geg ä rennpischte währed. Wobi ich dänke Zürcher währe det dure no en tigg sensibler, ebbe genau wäg em flughaafe. Wobii es git denn ehh wieder tonnewiiis rekürs vom VCS.

Und mich würds überhaupt nid störe wenn äs flugi amigs bi eus drüberflüügt i find flugis kewl

mit dä geldgeber dänki au dass sich öbber finde wird, da cha jo nur äs grosses gschäft sii. s'Image steigered sich vodr schwiiz und und und. Dass d'umwelt gross in Mitleideschaft zoge wird sötted sich die lüüt wo dänn degäge sind mol überlegge wieso sie tagtäglich mitem auto müend go schaffe

vcs hett eh nur na gsammtschwiizerisch rekürs iizlegge. nach em hardturm drama ( oder suscht so es teil in zürich) hends glaub de kantonale abteilige s'rekursrecht abgnah...

flugis sind eh geil... nur wenns ungwollt obe abe chömed isch ebe doch ned so hammer wend i de aaflugschneise wohnsch:)

ja supi, dänn isch da ja wunderbar. dänn staht ja im aargau raceway nüt meh im wäg :). also ich wird dänn alli lüt woni känn in bewegig setze sie sölled gfälligscht go stimme