jo mol luege, eventuell hämmer glück und es rägnet nur um eus umme 
Yamaha R-Fun day stage 2 9/10 Aug @Dijon
-
Jo wird jo jetzt scho nöd grad beidi Täg voll abäloh, also easy...
Mir lönd üsi Gebät zum Himmel für eu... -
so ich meld mich wider retour vo dijon...
leider isch das en riese witz gsi das jahr.
mer hend ja scho am dienstag und mittwuch banged weg em wetter und s'hett sich selle usestelle das mer gschiider ned gange währed.ausser spesen, nichts gewesen!
uf de hiifahrt am mittwuch hend mer na einigermasse hoffnige gha, das es wenigstens biz troch chönnt bliibe. zwar hetts irgendwo zwüsched basel und dijon mal abeglah wie sau, doch uf de rennstrecki selber isch alles troche gsi. mer hend den euse nachtquartier parat gmacht und sind ga penne. i de nacht hetts den au scho mal gseicht, aber am morge wo mer de grind useghebt hend isch wider troche gsi.
am morge schnell as briefing, den na am hypi sini pneus wechsle lah und de hemmer eus scho gfreut gha uf de erst turn z'fahre. leider hend die hirsche vo yammi ohni information de teilnehmer gegenüber irgend e änderig gmacht, so das mer de instruktore MUEN nahfahre. ich ha den denkt das muen ja ned sooo schlimm sii, villicht isch's ja gad guet de erst turn... aber den hetts mer de rescht geh...
instruktor: so mer sind da zeme cho zum fönn ha und ned enand abschüsse. mer werded jetzt de erst turn im 3te gang fahre ohni d'bremse z'benutze. das schuelt eues gfühl fürd strecki und da chönd er mal iischetze wo bremspünkt sind und wie schnell mer d'kurvene chan aafahre.
scho das hett mi dämmlich dunkt. ich han den denkt au im 3te gang chan mer spass ha, nur start ziel wird chli langsam.
und den isch's los gange... suuuuuper... de gitt ja kei gas... über start/ziel hend mer saage und schreibe 86km/h anebracht....
und de rescht vo dem turn isch au ned besser gsi...nachene sind mer den mit de zueständige persone ga rede, das mer d'gruppe wohl chönnted wächsle, aber mer sind ned ganz die einzige gsi... wiit über 20 lüüt hend genau s'gliich welle und somit hett den d'hoschi mannschaft mal uf taub gstellt.
s'hett au nix bracht, den das hett für mich de letschti turn sölle sii. churz bevor de 2ti turn los gange währ (natürlich au mit instruktor) isch's ga seiche wie blöd... und de piss hett bis hütt. somit hend mer eus den denkt das mer chli früehner hei chömed.
bilder und videos hetts dementsprechend au so zimmli nix geh, also erwartet au nix:)
ich wünnsch eu schönneri täg als ich gha ha
-
jo, das isch würkli en witz gsi... obwohl ich usdrücklich akrüzled han sport gruppe und OHNI instruktor händs mich id afängergruppe gsteckt. mir isch schier s'gsicht igschlafe ab dere lusche vo instruktor. sorry aber im 3te gang über die ganz pischte? die erschte paar rundene zum reife ifahre echli piano fahre isch ja ok aber ich bin mir vorcho wie im chindergarte mit lüt wo s'erscht mal ufem töff hocked. 86 über start ziel....jöööööö.
wos denn afah seiche het, han ich dänkt ich wott nomal use zum echli fahre und bin i minere gruppe de einzig gsi
bin also nomal allei bi gröschtem gepisse go fahre mit dere lusche vo instruktor... er mitere R6 git vollgas uf dr gerade, fahrt 240 und mir schlaft immerno s'gsicht iii. han sogar müesse abbremse susch wäri a ihm verbiizogä anyway, denn isch no vor eus eine gstürzt und scho isch die rot fahne gschwenkt wurde obwohl dä schluch d'strecki gar nid versperrt het. also muesi usefahre und denn hets mi völlig apisst nomal druf z'gah. bin au pflotschnass gsi willi keis regekombi debi gha han. und obwohl sie vom hoschi gwüsst händ, dass es go pisse chunnt händs öbbe 20 sätz regereife mitgnoh gha. mir händ ghofft, dass es am fritig nomal bessered. es het aber die ganz zit gschiffed und temperature sind am gfrürpunkt nöch gsi. ich ha am fritig eigentli no mitem gedanke gspielt en regereife ufzieh z'lah aber komischerwiis hets kei meh gha also het das ganze demit gändet das öbbe 130 vo däne 150 lüt nümme go fahre sind sit donnschtig mittag und die mit regereife druf sind. so hend denn au relativ viel lüt am fritig morge zimmli sauer alles zämepackt und sind heigfahre wenigschtens hani en neue reife + montage becho und mir händ es gaudi gha mit es paar zürcher nebedrah 
bilder gits gar kei, videos vo töffe händ mr glaubs gar kei, wieso au
ich wird nächscht jahr wieder gah, allerdings wird ich bir ameldig zimmli wehement agäh, dass ich die scheisse nümme will und wo sie sich ihres neue system annestecke chönd.
hypi out
-
ja das mit de regereife isch natürli scho en witz....
hender hoffentli bim hoschi chli stunk gmacht? well dass es regnet, dadefür chan er ja schliesslich nüt, aber zwenig material mitbringe isch sini organisatorischi schuld und wenn er scho einiges für so es training berapped und denn nüd chönd fahre well er zwar seit reifedienscht seg da usw. aber ohni die passende reife denn isch das e rechti sauerei
und 86uf start ziel isch ja au härzig.....
wenns wenigstens gheisse het mer chön de 3. gang usfahre, denn hetsch ja immerhin chöne 220 fahre -
ja scho
i han ja wenigschtens bim 2te turn mal chönne 240 fahre aber gopf ich han doch ändlich mol welle topspeed fahre 
muesi halt uf nächscht jahr warte woni de hoffentli keine meh vor mir han womi bremst -
Ohh man das isch jo voll scheisse... Das tuät mir jetzt grad leid, han scho ufän geilä Bricht ghofft.