halli hallo
weiss ächt öpper bscheid ob sich dä M3 sportec uf mini ninja eignet? oder obi witer PiPo's söll druf tuä? sie fühlet sich irgendwie chli schwärfellig a wänns richtig rändli usägat.
bi dä M3 voranä uf dä Z750 gfahrä und dä hät mer rächt pässlet. nöd nur wiler guet rüücht! 
mal abwartä wie sich dä PiPo bi warmem asphalt entphaltä cha.
Also generell würd ich grad am PiPo nöd schwerfälligkeit vorwerfe. Bin sehr zfride demit, vor allem au grad für uf de Rännstrecki als afänger ganz geil. Kündet de Gränzbereich guet und spürbar aa und macht generell au mal en "chalte" scherz mit. Also sone Sturheit uf de Kante hani bi mir nöd festgstellt. Chunt aber au na uf de rescht vom Töff bzw. Farwerch druff aa. Also generell halt uf jedem Töff es bitz andersch vom verhalte her. Drum isch au nöd xeit das sich de M3 uf de Ninja wider gliich fahrt wie uf de Zett!
Mit em PiPo machsch eigentli nüd falsch, süsch würd i eher emol s'Fahrwerch bi querbelaschtiged und Schläg und undergrund aaluege, wenn's gfühl gha hesch es isch schwammig. 90% vo de Problem sind eigentli immer mit Fahrwerch z'löse.
Heeee neiiiiii chauf kein M3 ich han dä druf gmacht uf mini Gixxer han aifach gseit will jetzt dä glich au mol no teste und bin total entüscht. Er isch zwor tatsächlich chil liächtfüässiger als dä Pipo, aber er hät uf minärä Gixxer äs extrems ufstellverhaltä und das mitäm glichä Fahrwerk wiä vorher. Wers will probiärä chan gern verbi cho. Und uf dä Rennstrecki hät er sich eimol recht zügig verabschided han zwor s'Gas den no rechtzitig zuä brocht, aber mitäm PiPo han ich das niä gha. (Villicht han ich döt aber au aifach chil übertribä) uf jedäfall isch für mich klar, dass ich wieder PiPo fahrä so bald dä M3 dunä isch.
Auso ich ha de Metzeler M3 Sportec uf miner ZX6R gaa und be sehr sehr zfriede gsie.... Jetze hani de ContiSportAttack
be au sehr friede.....
p.s Link zum Thema
