Suche Informationen für praktische Führerprüfung

    Aso vowäge Blicktechnik....die erst ond letscht wörklech praktisch Prüefig esch bi mer bim Auto gsi... klar lueg ech det nöme emmer so wie mers glert het....aber ech wösst gnau wies goht...du chöntsch mech also ohni Probs det a Prüefig schecke ond ech wör weder gnau so luege wie mers set....

    Bim Töff ha ech ersch ei Kurs müesse mache...aber au det das selbe Spiel... ech lueg ned emmer korrekt, aber ech wösst wies goht..ond met biz dänke bim ganze wör mer das a de Prüefig au rechtig mache...... so halt echs zomendest.. biz sälbstdisziplin ond mer haltet sech sälber weder dra :winking_face:
    Ech fend eifach das je nach dem eim bizeli vel luege bibrocht werd... drom fahrt wohl au fasch niemmer gnau so wie mers mol glert het...

    jo das mit dere säubscht disziplin, und "wenns de drufachunt chani de scho widr so fahre wieme mues" weiss nid, i haute vo däm nid so vüu..

    wot do niemerem znochträtte, vilicht chöit dir das jo wunderbar. Abr miner Meinig noch isch das e Utopie, z säge dassme so öpis ufne gwüsse Momänt cha "aktiviere" und de när widr abzschaute und so fahre wieme geng fahrt..


    Dass eim chli vüu Luege biibrocht wird, lit gloub dranne, dasses haut eifacht idr Natur vom Mönsch lit, dassr geng chli bequemer wird, und foot afo sache "abboue".
    Wennme seti, me mües nume i eis Spiegu luege, de footdr mit dr zyt ah gar nüme z luege..
    Und wennme haut jeze de Lüt biibringt, dassisech fasch z tod luege. De düesi ou nach langer Zyt no gnüegend vüu luege..
    weisch wasi meine?

    BMWs sind Guzzis mit Hängebrüsten 

    Aso wie gseid ech be met em Auto vel vel hüfiger (jede Obig) privat go fahre...ond Fahrschuel ha ech det 1 mol pro Woche zom Teil sogar nor 1 mol i 2 Woche gha...ond ech ha mech det ohni Problem ami chöne omstelle. Ond be det priv. scho so gfahre wie ech jetzt fahre.... aso bi mer klappet das sehr guet...weiss ned öb do ander meh Mühe händ... aber bi mer goht das of e gwösse Momänt...

    Ond ech weiss was du meinsch :winking_face: Bi mer esch es jetzt aber au do chli andersch...ech lueg zb. vel hüfiger in Rückspiegel (bi Auto ond Töff) als es paar ander...will ech egal i wellere Situation wot wösse was hinder mir lauft.... aber ok uf Teil Lüt trefft da secher zue was du gseid hesch...

    Wenn de du so duesch umstöue, odr hesch umgstöut bim lehre fahre, de gsehnig dr Sinn nid so drhinger..

    Würsch jo gschidr ou Privat so fahre wiesdr dr Fahrlehrer biibringt (während dr Usbüudig, bis zudr Prüefig, nachane spüuts jo nüme sone roue wie fahrsch :face_with_rolling_eyes: )
    de chöntschdr ei odr zwe Fahrstunge spaare, wüud de nit mitem Fahrlehrer müestisch die Sache üebe und automatisiere, chöntisch das ganze gmüetlech bim Fahre mit de Öutere üebe..
    Drum reagieri vilicht aube ou chli komisch wenn es Gnürz chunt wägere Fahrstung ufem Töff, was das widr choschtet..

    BMWs sind Guzzis mit Hängebrüsten 

    Aso gross das met em Fahrlehrer üebe, aso jetzt sluege, ha ech nie gross müesse...will wörkli schwer esch es ned...eifach öberall dopplet ond drüfach i fasch alli Spiegel luege ond Blick öber dScholtere :grinning_squinting_face:

    Nei das priv....esch bi mer erstens mol gsi....will ech total agfrässe gsi be ond au jetzt no be... ech ha das eifach brucht ;)......ond anderersitz... öper wo sLuege bes zo de Prüefig gnau so wot mache wie mer muess, söt sowieso ned priv. fahre....will die wenigste Eltere wössed gnau wies goht. Privats omefahre, dient i mine Auge, zom Sicherheit im fahre sälber zgwönne...
    Bim Töff ha ech jetzt aber Lüt wo ebe no wössed wie das ganze goht... drom erliechteret das die ganz Sach...ech frösch alles im Kurs uf... weiss also sälber of was luege... nor cha de Kolleg eim de glich no säge wenns no chlini Fehler dene het...

    S privat fahr isch jo ou nid drzue dänkt, dass dir d Öutere lehre wie fahre, sondern dass du so chasch fahre wies dir dr Fahrlehrer gseit und glert het, und dass du das chasch feschtige.. Damit ebe de chli weniger Fahrstunge muesch näh und nid so vüu Gäud bruchsch.. Odr binig do dr Einzig wo so dänkt :confused_face:


    Dass dr Kolleg cha säge was nonid guet isch, dasch mir ou klar.
    I bi do ändi Januar ire J&S Ski-leiter Usbüudig gsi, dörte heimer ou oft müese in Dreiergruppe nanger vorfahre, und de hei die zwöi angere müese verbesserige aabringe.
    Das ganze isch i mine Ouge abr nid soo eifacht gsi wies dönt het. Und darum bini haut ou chli skeptisch gägeüber dere Sach, wägem Korrigiere vo Kollege..

    Abr ebe, dasch mini Aasicht, die muesch du nid mit mir teile

    I gloube s söte beid Meinige näbenanger chöne existiere!

    BMWs sind Guzzis mit Hängebrüsten 

    hihi.. ech glaub vel meh muess mer gli nöme schriibe *g*...na klar akzeptier ech dini meinig :winking_face:

    Aber eis kapier ech jetzt glich ned..... klar fahrsch du met de Eltere zom sfahre vertüüüfe... (Auto) ond halt au sluege....
    Aber genau sgliche machsch jo bim Töff, wenn met mene Kolleg onterwägs besch.... oder tüüsch ech mech do?
    Vorrussetzig esch eifach, dass ebe zersch e Kurs (zom die gnaue Regle weder im Chopf zha) machsch....

    hmm wart, muess gschnäu chli überlege!


    Abr d Öutere hocke jo eifacht im Outo inne, wüud nid eleini darfsch umefahre..
    Isch jo nid guet wennsidr immer drischnurre, wüu vüu sache heisi angersch glert, aus du jeze machsch (z.B. ou wenn uf dr Outobahnfahrsch und s chunt öber vodr Uffahrt.. )

    Du chasch jo nid immer nume fahre und s wird dr geng nöis iitrichteret, du bruchsch mou Zyt damit das ganze chasch verarbeite und umsetze. Und i mine Ouge isch für das s Fahre mit de Öutere gmeint..

    Bim Töfffahre muesch jo niemer drbii ha, de chasch jo die glerte sache guet eleini üebe..
    Für mi tönts so aus ob dä Kolleg dr Fahrlehrer söt ersetze..

    BMWs sind Guzzis mit Hängebrüsten 

    Nei ebe ned...das wär de Fall wenn kei Kurs kei Fahrstond absolut nüt wörsch näh.....oder mache...
    Aber ech säg jo...am Afang setsch e Kurs oder so mache zom dRegle gnau könne... so mach echs demol ;)....ond met em Kolleg gang ech eifach go fahre damet er biz cha kontrolliere.... bim Autofahre händ mi dEltere au nor ganz wenig korrigiert wenn i mol sluege ganz vergässe hät oder so...wörkli drigred händs mer ned...

    Na ech glaub mer redid eifach chli anenand verbi *g*....

    Guät ich würd sägä mir schlüssäd das Thema ab und jedä machts so, wiä er will. :grinning_squinting_face:

    RACING IS LIFE...ANYTHING THAT HAPPENS BEFOR OR AFTER... IS JUST WAITING