Beiträge von Bandit

Ich find d Argumention luschtig das Kevlar-Jeans für Kurzstreckene ok sind aber für längeri Toure ned.. Wenn uf d Schnauze gheisch isch das dinnere Huut, dä Kevlar Jeans undem Töff ziemlich egal ob das jetzt en kurzi Strecki oder en längeri Tour gsie isch!
Und mer chan au uf Kurzstreckene umgheie, mer muss ja nedmal selber Schuld sie. Chan der bim Buurehof i dä nöchi en Traktor usefahre, oder es Auto abbüege wo ned blinkt, was weiss ich. Bremsisch falsch, Hinterrad verreist und scho liesch im dümmste Fall.

Naja und zu pro & kontra Leder / Textil.

Ich bin ja mittlerwile es bitz Sturz erprobt :whistling:
Und bis jetzt händ d Textilhose (Textil, ned Kevlar-Jeans) immer ghebet. Grad bim letschte mal vor knapp 2 Wuche bini doch mit knapp 70km/h us dä Kurve grutscht und öppe 25m über dä Asphalt gschliffe, d Gegefahrbahn überquert und denn na s Bord durab namal öppe sowiit über d Wiese. D Hose hät ghebet, sie isch zwar völlig zerfetzt gsie, aber ich han kein Kratzer, kei Schürfig, gar nix gha. Vo dem her vertrau ich dem Zeugs scho ziemlich. Für d Rennstrecki isches sicher nix (dörf mer ja gar ned), aber ich finde zum normal i dä Gegend umenand fahre isches ok mit Textil.
Was aber dä grossi Nachteil isch. Mini Lederjacke hät scho 3 Stürz miterlebt, isch 3x übere Apshalt gschliffe und isch immer na guet zwäg. Vielleicht chlie verkratzt und jetzt mussi dä Riisverschluss am Ärmel ersetze wills en verschliffe hät, aber d Lederjacke isch na ganz und erfüllt ihre Zweck immer na hervorragend. Das sie Kampfspure hät stört mich ned
D Textilhose muesch halt jedesmal ersetzte wenns die leit, will die hebed jetzt echt nix us. Und wenn ich denke das ich für sonen Textilhose au über 200.- zahle hätti mer i dene 3 Stürz au grad so guet en Lederhose chöne chaufe für 600.-

Aja und dä besagti Unfall obe vor zwei Wuche isch ganz bi mir i dä nöchi gsie! Also definitiv Kurzstrecki. I Kurve woni scho 100x gfahre bin, aber wies halt so isch bi Kurve wo guet kennsch.. Da gaht nachlie meh! Oder ebe denn halt ned :thumbdown:

Zämefassend würd ich säge, wenns eim egal isch d Textilhose bi nem Sturz z ersetze und mer ned uf d Rennstrecki gaht find ichs ok (oder denn halt es Lederkombi extra für d Renne). Kevlar-Jeans würd ich persönlich ned azieh.

'06er 990 Superduke

Tankinhalt 14.5l, 3.5l dävo sind Reserve

Nach 140km fangt d Reservelampe a lüechte.. Naja, mer läbt dämit, au wenns ned grad toll isch!

D 1200er Bandit hät glaub en 19l Tank, wobi i aber ned sicher bin wieviel dete Reserve isch. Und Mit dere fahri locker 260km bis id Reserve

Wenn meh als 4500km wotsch chunnsch um Touresport fascht ned ume. Det würdi dä Angel GT näh.

Wenn bi Sport wotsch bliebe wär dä Conti Sport Attack 2 au na en Alternative!

Sali Hoi du, a dich magi mi na erinnere! Glaub mir händ eus au mal unabhängig vom Forum perzufall mal anere Tankstell troffe

back!

Zitat von B2R

Edit: Bandit... die SuperDuke hat mich überzeugt, werd das Teil mal Probefahren gehen !!!

D Superduke hät definitiv was.. En Probefahrt würdi mer aber guet überlege, da chönnt nachher evtl dä "haben will"-Gedanke ufchoh

Ich denke für so Toure wie geschter isch sie wahrschindlich sicher eine vo dä beschte Töff! Mega handlich, gnueg Power um au mit dä grosse Supersportler chönne mitzhalte, ufrechte Sitzposition um au viel Kilometer chönne z fahre.. Und es isch halt kei GSR, Z oder susch so irgendwas. Es isch kompromissloser, brachialer :love:

Weiss ned wie mer das söll beschriebe, muesch halt doch go Probefahre :thumbup: Würd mi wundernäh was denn seisch hehe

Sie hät aber au Nachteil:
Dä Spritverbrauch isch sicher z hoch. Wobi das bim überarbeitete Modell ab 2007 besser isch und die hät denn au en grössere Tank. -> Reichweite über 200km

Und sie verleitet brutal zum z schnell fahre.. Die Maschine wott das du ihn triebsch, die brucht das. Aber das muesch erlebt ha dases glaubsch!
Bim Bandit isch das nie so, dä isch z friede wäner gemütlich im 5te Gang mit guet 80 über d Landschaft cruised. D Superduke definitiv ned, die fühlt sich denn misshandlet und schreit nach meh :thumbdown:
Es isch eigentlich en andauernde Kampf mit dir selber dä versuechig vom Töff ned nach z gäh :whistling:

Lueg mal die älter 690er Duke vo KTM a (Duke III). Die chönnt evtl öppe dem entspreche was suechsch

http://de.wikipedia.org/wiki/KTM_Duke

http://2.bp.blogspot.com/-IPXn…28duke3%2529-lc4-2008.jpg

Legendäre Tag gsie!

Supertolli Gruppe, dynamisches Tempo wo allne passt hät, s Wätter hät au mitgmacht (ich persönlich bin gar nie nass worde, die andere nur am Morge bitz ufem Wäg zum Treffpunkt) und Verkehr fascht kei.. Eifach rundum glunge!

Am beschte gfalle händ mer dä Gaviapass und dä Passo del Mortirolo. Zwar ned eifach zum fahre, aber vo dä Ussicht her mega und au mal öppis anders als eusi Autobahnpäss i dä Schwiiz.

Viele Dank em Andi fürs organisiere und dä andere beide dases mitcho sind!

Aja bi mir sinds schlussendlich ufs Loch genau 710km gsie und 15h unterwegs.. Tot kaputt aber mega happy!

Das schreit nach Wiederholig! Im gliche Rahme aber vielleicht a nen andere Ort :thumbup:

Du bisch sicher dä geilscht mit dim Büsli
Also ich wirde so um die 8:30 ume dete sie und na en Kaffee go trinke is Resti ine..

Ich bin däfür.. Gavia isch toll :love:

Ich bin däbi :thumbup:

Langsam hämer en rechti Vielfalt a KTM Model bi eus :thumbup:

im Forum!

im Forum

Zitat

wo sech suppersportlech loht lo fahre:P

Mit dine 11PS muss mer aber dä Berg däruf stosse wämer z zweite druff sitzt oder?

Wenns 6i aluegsch gsehsch dases dete abgschnitte isch.. Tippe druff das die erschte zwei und di letscht zwei Ziffere per Photoshop weggmacht sind

Also wenns würklich rein nur um s ABS & DTC gaht würd ich nie im Läbe 17.000.- usgäh (wobi bechömschts ja für din alte Töff sicher au na öppis was d BMW na billiger würd mache).

Aber es gaht der eh ned nur um das

Häsch ja dete i dem Post vor nem Monat oder so wo eus dini, mit es paar Extras uf pimpti, Zx6r zeigt häsch mega entrüschet tönt über dä Händler dete und mer hät ziemlich düetlich useghört das eigentlich gern d BMW ghä hätsch und nur us Protest gegeüber dem unmögliche Händler dini Kawa bhaltet und chlie ufgmotzt häsch.

Dementsprechend würd ich zueschlah wenn ich dich wär. Aber ned wägem ABS undem DTC, sondern will du d s1000rr wetsch

Was halt chlie schad isch isch das jetzt na guet Kohle i dini Kawa für Extras inegsteckt häsch. Und für so Zubehör zahlt der niemmert würklich das Geld wos koschtet hät.

Zitat von ccracing

Auch sofort ab Lager Lieferbar !!! 120/180 347.- ; 120/190 357.- ; 120/19055 367.-

Verdammt jetzt han ich d Entscheidig welle vom Priis Abhängig mache und jetzt sind Angel GT und Sport Attack 2 bis uf 2.- glich tüür

Naja fahre jetzt na die letschte 1000km oder wases na git vo mine Angel wo druffe sind dure und meld mich denn bi dir!

Merci vielmal :thumbup:

edit: Ah ok, has mer na fascht denkt mitm Priis vo dä Angels, wär ja chlie unlogisch gsie Denn wirds bi mir sicher mal ufem Satz Contis uselaufe. Und wenn dä denn zwenig lang hebet chani immer na dä GT usprobiere das Jahr ufe Spatsummer / Herbscht ine.
Aber ebe, zerscht na dä alte Angels dä reschte gäh wenn d Sunne mal wieder schient!