Sicher wieder ab nächster Woche ... heute ist das Wetter, was man am Sonntag vermisst hat.
...und mer au nächscht Wuchenänd vermisse wird. ;(
Beiträge von Meitschi
-
-
Hüttenkäse
-
Messerblock
-
Der fährt aber schon im Frühling gut ...
er scho, aber ich nonig
und ich wett ja scho nöd grad d handbrems vom dienscht sii wänn mi scho öpper mitnimmt 
-
De Boo chan ich dir als kompetänti Begleitig nur empfehle.
Denn nimm ich das im Summer sicher sehr gärn mal in Aspruch!
-
-
Ja das trifft sich doch gut, da kann ich mich gleich an den berner hängen und auf meiringen düsen, aber zur zeit sind die pässe ja leider noch zu.
denkt einfach an mich wenn ihr die nächste runde plant, denn ich will gern mit.......Meinsch mitem Bärner dä 2 Posts obe a dir?
Uf jedä Fall cha sich bi eus aschlüsse wer wett. Und wer d Geduld hät zum uf mich warte vorallem -
kodexeintrag
-
Töff in Meiringen? Ist das nicht etwas gar unpraktisch, wenn du mal kurz eine Runde drehen willst?
Jein. Am Wuchenend bini praktisch nur z Meiringe, das isch sowiso dänn wämmer meischtens (und länger) underwägs sind...es isch halt eifach en guete Usgangpunkt für Toure z mache, muesch nöd zersch vo Züri ä Stund Autobahn fahre und chasch Zabig ohni Problem mal no rasch Suste-Furka-Grimsel abfahre.
Und will ich z Luzern studiere chunnts au nöd so druffa obi under de Wuche z Adliswil oder z Meiringe pfuuse, han vo beidne Ort öppe glich lang.
Dezue chunnt no das mer meischtens im 3er-Pack unterwägs sind, en Bärner, es Rüebli und ich...da musch di halt mal uf en Standort einige, isch am eifachschte.Und ja, min Name schribt mer würklich so
-
Wänn de mit de Stifel nöd langet, dänn lasch ihre eifach d'Luft us de Reife
dä spruch hani öppe so mängisch ghört wie "mach doch stützrädli dra"
aber zum thema: ich bin au nur 1.57m... ich han ä suzuki gsr 600, die hät original 80cm sitzhöchi. ich han sie aber müesse tüüferlegge, ä sohle ad schueh mache UND de sitz abpolstere. jez gahts aber tip top.
de nachteil; s isch halt relativ en schwäre töff mit 183 kilo leergwicht. er isch mer am afang au öppe 3 mal kippet;( das hät allerdigns au demit z tue gha das schiss gha han und di richtig technik nanig dusse. mittlerwiile isches aber super, han überhaupt kei problem meh sitt i mi chli a das ganze gwöhnt han.
-
Sali
Ich han min Töff zwar au erscht sit me Jahr, aber so vo Frischling zu Frischling:
Ich gäb mini Suzuki GSR 600 nümm. Grad zum Afange isch das en riise Glücksgriff gsi, s isch en extrem guetmüetige Töff....Dä hät mi ab und zue au i höche Gäng um d Kurve bracht wänni churzfrischtig überforderet gsi bin. Und säb isch am Afang meh we einisch vorcho, muessi zuegäh
Und wänn chli vernünftig fahrsch, denn suufter au nöd so viel (wenni mi da mit de Kollege vergliiche....)Weiss ja nöd, vilich wärs mal en Gedanke wärt
Viel Spass einewäg!
-
Salü mitenand :thumbup:
Mer möcht ja nöd grad scho am Afang als Tussi wo sich nöd vorstellt abgstämpflet wärde, darum:
Ich bin en (fasch) 21 jährige junge Schnuufer, wo für fasch jede Seich z ha isch.
Ich han no de Löli, will di letscht Saison denn uf s Mal eifach cheibe schnäll verbii gsi isch... Wird aber bald gänderet!
Wohne tueni z Adliswil, studiere z Luzern und min Töff wohnt z Meiringe mit sine zwei beschte Kollege (KTM Duke 690 und KTM SMR 990).
Will bi mir alles biz chlii grate isch (ussert s Muul
) hät mini arm GSR au scho sehr müesse under mir liide...sie isch tüüfergleit, de Sitz abpolsteret und d Schueh händ no es Söhleli dranne...aber was macht mer nöd alles 
Jetzt längeds ämel. Morn chunnt si no de früsch bezogni Sitz über und wänn dänn s Wätter no stimme würd chönnti äntli au loslege!Chützle tut mi s fahre scho lang wider und willi bis jez nur han chönne Sozia spiele die Saison hani dänkt tueni da im Forum mal no chli Töffluft schnuppere. Biisse tueni sälte bis gar nie, also wänn öpper öppis wett wüsse oder wett loswärde....wärded los!
Uf villi schlaui und halbschlaui Biiträg vo Eu und mir
En liebe Gruess,
Evalyn