Beiträge von Siegfried

Auso i ha iz di Birli gfungä. Ä Yamaha Händler het no settigi ka. Z Orange isch aber viu dünkler iz mues i de no luägä, dass aui z gliichä Orange hei, är het aber nyd 4 Exemplar ka... Das Ding het 4.- Sfr. kostet...

I ha ono dr Originau dran. I gloub dr Gianelli bringt usser Lärm o nyd so extrem viu (leistigsmässig)... Viu düä im Dütschä sonä Gianelli-Uspuff Alag dra, wüu si t Chrümmerbländinä wei umgah. Dr Sound isch gloub nyd viu tiefer. Uf dä Videos emu huerä nyd.

i ga hüt am Abä mau birä Töff-Garage ga luägä. Merci nomau fürä Tipp, wär eigentläch ja no naheliegend gsii...

ja, ok, aber gytz nyd o no angeri Müglächkeitä?

Wo überchunnt mä di orangä Birli wo i dä wissä Mini-Blinker drin si? Das wo vorhär drin isch gsii het 12V/23W gha. I ha o gläsä, dass im Dütschä äs paar di wissä Birli (wo's ja o im Migros, etc.) git i organgä Speziaulack touchä, oder orangi "Gummis" drüberstüupä. I ha ke ahnig wo mä ir Schwyz settigä Lack oder die Überstüuper überchunnt. Am liebstä wetti natürläch grad äs fertigs Glüäbirli chönnä choufä.

Zitat

Original von Scooby
Chan suscht mal en Soundcheck mache!

ja warum nyd? wenn's dir nyd z viu Umständ macht? du hesch ono t originau Uspuffalag drannä, oder?

het nä öpper vo Euch abgno? i ha chli Bedänkä.

Für was isch dr Schnorchu eigentläch dänkt? I nimmä nyd a, dass diä vo Yamaha numä dä dra ta hei dass mä nä cha wieder abnäh. Dä het doch sicher ä Funktion, oder nyd? Warum wird's de überhoupt lüter (wüu är me Luft asugt?)

I ha das mit dä negative Uswürkigä im ungerä Touräberich nomau gfungä. Äs steit so uf derä Sitä:

http://mypage.bluewin.ch/a-z/dt125/tuning/l.htm

Cha öpis kaputtga? Was chamä fausch machä?

I ha zwar säuber kes Diktaphon um dr Sound ufznäh, aber faus is de sött mache chani äuä de scho eis organisierä.

Merci viu mau scho mau zum Vorus.

merci, i wird's mau probiärä!

Sälü zämä. S'isch schönz gseh, dass säch o hiä öpis tuät.

I frage mi wiä mä ä richtig geilä, tiefä Sound überchunnt wo aber nyd umbedingt lüter isch. T Lutsterchi sött öpä gliich wi Originau si eifach viu basslastiger. I ha ghört mä söu dr Asugstutzä (Schnorchu) wägnä, ha aber i dämm Zämähang o ghört, dass das fürä tief Touräbereich Scheissä sig. Cha mä dä o nur liecht drablüpfä? Gitz angeri Variantä (mau abgseh vomnä angerä Ändtopf) um da Rasämäierton loszwärdä?