Beiträge von MotoMichel

  • Wer het Erfahrige gmacht mit Dynojettä?

    Dank a eu alli.
    Do hani jo grad ines Wespinescht gstoche:-)
    Cool
    I bi au de meinig,dass mer um de Prüefstandslauf nöd umechunnt. Mir gohts jo nö d drum, zum 10 PS gwünne. I wott eifach e lineari Leischtigsentfaltig, will das Loch bi 6000 bsunders i enge Böge stört.
    Amene Suugmotor go 10 Prozent Mehrleischtig verspreche, nur dur Modifikatione a de Gmischbildig halti sowieso für Betrug.
    Aber wenn i für 350.- ungrad e suuberi Abstimmig überchumme, denn isches das Wert.
    Das mitem Dynojet-Kit hani halt vo de Amerikanische Bike-Forene. Döt schwöreds druf. Die hend halt eifach nöd so grossi Höhenunterscied wie mir :grinning_squinting_face:

  • Wer het Erfahrige gmacht mit Dynojettä?

    Sälü zäme
    Irgendwie hani s Gfühl, das min Stuehl bi 6000/min es Loch het. Und obeuse (ab 11500/min) ischer zuegschnürt.Mit de Krawall-Tüte isches chli besser, aber die isch nume dranne, wenni Mais mache wott :smiling_face_with_horns:
    Leerlauf isch sidefiin, Startverhalte top. Ha de Verdacht, dass d Werksbedüsig chli unpassend isch.
    Het öppert schomol es Dynojet-Kit montiert, bzw. de Vergaser abstimme loh?
    Bringts en spürbare Fortschritt?


    Bi froh um jede Rotschlag.


    Greetz Mich

  • Burnout

    yeah!!! Hehe chasch nochher d Gummireschte abem L chratze. BuLnout.
    Hey Nitro. Kennsch du en Päde vo Embrach (Dä mitem blaue Audi 50)?

  • Scheisse: Die 1. Buess i mim Läbe!

    1. Buess für innerorts z schnell:40.-
    2. dito
    3.jenes Parkbuessene:Summe unbekannt
    4.Auto usserorts überholt,blitz!:100.-
    5.2xAutobahn 140kmh:glaub je120.-
    6.Autobahn am Samstigmorge: 162 kmh:3Monat laufe
    7.Autobahn während Feinstaubalam.Nöd ufpasst:100.-
    8.Züri Oerlikon.Orientierigslos d Adresse vonere Kollegin am sueche. Telefon zur Hand und de Awiisige vo ihre folge.Juhe, en Parkplatz.Sie winkt mir vom Balkon zu und en Polizist chlopft as Fenschter. Sh...
    "Macht 100, det hine hets en Postomat."
    Woni am Geld useloh bin, rast en Alfabueb i de 30er mit massivem Wheelspin devo, genau id Hend vo de Polizei, wo bi mim Auto gwartet het.


    I bin e guete Chund bim Fiskus, will mi die Dienschtleistige für üsi Sicherheit absolut überzüged;-)
    Frog vom Polizist zur Buess 6:"Hend sich uf de Autobahn zu dere Ziit Fuessgänger,Tier oderVelofahrer befunde?"Uahah.En Schenkelchlopfer!
    Mit em Töff hani no keini.Bi aber i einere Wuche 2mol usegnoh und kontrolliert worde. "Lönd sie mol de Motor laufe!"
    Naja de Uswiisentzug hani wieder erwarte überlebt und hoff jetzt uf meh Glück.
    E buessefreii Ziit eu allne
    :prost: