Beiträge von haesl

  • Project Gotham Racing 4...inkl. BIKES

    da mer ufem pc ja bekanntlich nid guet ps2/3 games cha game - also s tt - empfhil ich s "Test Drive Unlimited". Has mer letscht wuche mal zuegleit und i dä zwüscheziit au mal d 1000ger ninja boschtet... gid zwar nid alzu viel töff (mv, duc, triu und kawas), isch aber trotzdem de chauf wärt.


    häsl

  • hallo töffler

    ich bi dä häsl, sit 11 schtund 17 jährig und bi gebürtige steinerbergler.


    mini karriere uf zwei redär hed sich wahrschindli scho mit de töfflikarriere vu mim vater afä abzeichne. will s erscht mal bini mit ca. zwee mönet velo gfahre... nei seich.. bi natürli id fuessstapfe vu mim vater träte und ha mier mis erschtä töffli au mit knappe 14jährli kauft. wies so isch lauft hald immer alles zwenig schnell, und die erschtä frisierversüech sind a mim sachsli 503 chrischtall redlich gscheiteret..:-D
    trotzdem hanni mich nid defo la abhalte, mit zwei kollege is südtessin, ja eiglich chammer das ja italie nännä, oder au is östrichisch/dütsche use ds fahre :-D. nach einige gmeinsame töfflitoure isch mer de hald au 16ni worde und hed ds arecht uf chle me pfupf unterem füdle bercho und ich ha mer en gueti occasion enduro sherco mit 50 kubik kauft. momentan bini au nu mit derä unterwegs, und ha ja jetzt nu es jährli deziit zum überlegä wasi nachher wott fahre.


    näbäbi manage ich au nu chle üse sälber gründet verein: GRSS wo mier knapp vorem töffli-alter 2004 gründet hönd.


    mini erschte richtige erfahrige uf de rännschtrecki ha ha ich mit 13, aber uf 4 räder mitem eignige kart gsammlet.


    tja das wars.



    Life is a Race


    häsl #3

  • Schutzkleidung

    Ha Töffjagge, Häntsche, Helm und gueti Schueh au immer a, aber fahre meischtens mit jeanshose...
    mier isch vor zwee täg au de töff inere nasse verdräckte kurve mit 60 wäggrutscht und ha eiglich rächt glück gha... töff isch unter de leitplanke hange blibe und a mier heds au nur d jeanshose verrisse :-D, will das meischte gwicht vo mier e ufem lädärtschöpli glande isch.. :grinning_squinting_face:


    trotzdem wird im winter de au es lederkombi boschtet...


    achja wer äbä meint jeanshose sig das dümschti und so wiiter, söll mier mal es föteli schicke, wos anu duezumal mit läderhose ufem töffli ghocke sind... Unfäll chönd immer passiere, mer chas schlächt vermiede, aber mer cha d folge guet vermindere.


    mit mim itrag wett ich de nid d "jeanshosefahrer" i schutz nä oder so, findes sälber au nid alzu schlau...