Das Wuchenend het endli üses Töffweekend stattgfunde, wo eigentli möglichst vil vom Gschäft hetted sölle mitcho (gell, Toretto 
).
Naja, am Schluss sind mer no drü Chnöche gsi wo trotz schlechte Wetterussichte, langer und aspruchsvoller Strecki und anderne Verpflichtige hend chöne / wöllä mitcho.
Do mol d'Strecki:
Hinweg (460 km):
Wil - Landquart - Davos - Flüelapass - Zernez - Ofen Pass - Umbrail - Bormio - Gaviapass - Edolo - Breno - Passo di Croce Domini - Goletto delle Crocette - Monte Maniva - Lago d'Idro
Also am Samstig hett's üs ab Wil bis zimlich uf de Flüela ue verschiffed. Han übrigens müse merkä das mini Hose und mini Stiefel Wasser zwar nöd use, defür aber ie lünd. Scheisse, das. Uf em Flüela sind mer denn s'erscht mol ikehrt, und hend üs ufgwärmt (ich ha d'Finger nüme gspürt 
). Ab det isch denn s'Wetter bessär worde, schö lauwarm und troche.
Underwegs han ich denn no d'1150er GS vo de Kollegin chöne usprobiere - huere geils Töffli, vo denä 250kg merksch jetzt gar nünt, und s'Fahrwerk isch genial guet.
Nach jenä chline Päss, wo'd scho echt Müe gha hesch zum mit 2 Töff chrütze sind mer denn schlussendlich de Groce domini duruf gfahre, und det hend mer wellä uf de Monte Maniva. Das isch e unbefestigte Adventure-Strecki, wo no dezue eigentli gsperrt gsi isch, aber mir hend's denn glich probiert :
[Blockierte Grafik: http://mypage.bluewin.ch/wildcard7/images/toeffweekend_04/dsc00387.jpg]
[Blockierte Grafik: http://mypage.bluewin.ch/wildcard7/images/toeffweekend_04/dsc00388.jpg]
[Blockierte Grafik: http://mypage.bluewin.ch/wildcard7/images/toeffweekend_04/dsc00389.jpg]
[Blockierte Grafik: http://mypage.bluewin.ch/wildcard7/images/toeffweekend_04/dsc00390.jpg]
[Blockierte Grafik: http://mypage.bluewin.ch/wildcard7/images/toeffweekend_04/dsc00391.jpg]
Do hend mer denn schlussendlich umkehrt, wil det dur de Schnee dure wär recht riskant gsi (got rechts bald mol zimli steil s'Loch abe), und mi hend au nöd gwüsst wie's denn nach derä Stell usgseht:
[Blockierte Grafik: http://mypage.bluewin.ch/wildcard7/images/toeffweekend_04/dsc00392.jpg]
Also wieder abecruiset:
[Blockierte Grafik: http://mypage.bluewin.ch/wildcard7/images/toeffweekend_04/dsc00393.jpg]
Und nochher het mis Baby so usgseh (schad das i nöd de Chüeler gfötelet han), werd sie aber glich nöd putze (bi jo kein Poser):
[Blockierte Grafik: http://mypage.bluewin.ch/wildcard7/images/toeffweekend_04/dsc00394.jpg]
Rückweg (ca. 400 km):
Sant Antonio - Bagolino - Passo di Croce Domini - Breno - Valle di Scalve zum Passo del Vivione - Edolo - Passo della Foppa - Tirano -Poschiavo - Berninapass - St. Moritz - Albulapass - Lenzerheide - Chur - Wildhaus - Wattwil - Wil
Am Sunntig hend mer am Morge es paar Tröpfli Regä igfange, und susch bis nach em Bernina super Wettär:
[Blockierte Grafik: http://mypage.bluewin.ch/wildcard7/images/toeffweekend_04/dsc00397.jpg]
[Blockierte Grafik: http://mypage.bluewin.ch/wildcard7/images/toeffweekend_04/dsc00398.jpg]
Denn isch de Albula cho. Det isch d'Stross pflotschnass gsi, a eim Stückli isch sogar d'Hälfti überschwemmt gsi, und es het GSCHNEIT. Aber wie Sau. Naja, schnell drübergchroche, äne wieder abe, und wieder super Sunne. Über d'Lenzerheid isch au u schön gsi, ab Wildhus bis hei het's denn halt wieder gschüttet wie am jüngste Tag.
Alles i allem aber supergenial geils Weekend gsi
