Pipo: Föck zvill reifedruck

Jaja geili Spekulatione
ich bi meilewiit vom Streckerand entfernt gsi. Han i dem Moment au nid plötzli es Gas ufgrisse, bi ja scho fasch am Endi vom dritte Gang gsi. Hät sich würki agfühlt, als heg mich eine touchiert so plötzli ischs grutscht. Und uf di recht siite bini gheit, wili nochem Slide no 200 Meter Zickzack gfahre bi Das isch denn sozägä Zuefall gsi uf weli siite dasi gheit bi

Dass du und vill ander das Phänomen nid kenned cha scho sii. Ich bin halt au vode dritte Rundi bis ufd Raschte gfahre (isch zimli gnau die Rundi wodi überholt ha). Dezue bini eine wo relativ früeh wider beschleuniged. Do heizt de Reife scho ordendlich meh uf. Es git vill wo behauptet, dass en Strassesportpneu zwor vill Grip hät, im Grenzbereich allerdings zimli schnell ohni Vorwarnig ufgiit. Has bis vorgescht au nid glaubt, ha immer denkt die wend ihri Fahrfehler eifach nid zuegä. Tja und ez würi mir gern en Fahrfehler iigestoh, denn wüssti wenigschtens wiso mis Zätti ez chli lädiert isch. Aber Do de Rutscher wiit wäg vom Rand und wiit wäg vom "Gas-ufrisse"-Punkt passiert isch gsehnis nid.

guet ich muen am abig no mit dem töff wieder hei...
en sturz hät für mich blödi folgene... vorallem au finanziell... han viel gäld i de zett investiert.. kei bock alles zverlüre...
und zweitens bin ich nöd de typ wo chaltblüetig eifach als limit fahrt! ich taschte mich lieber langsam ad gränze ane... ich wot niemertem öpis bewiese...
ebe, ich han am morge langsam agfange und hann mich rächt gsteigert bis am schluss... anderie sind höch iegschtiege und händ praktisch kei vortschritt gmacht...

aber du häsch eifach scho vo afang a wele höch iestiege... das hät mer bi dir scho bizzeli gmerkt, vorallem häsch du dich grad mit de supersportler wele mässe...

also so hani ich das gseh... aber ebe... isch kein vorwurf.
hoffe du nimsch mer das nöd übel...

chum hauptsach es isch dir nüd schlims passiert...
hoffe das bi mir nie so öpis passiert.
ich wär glaub völlig am bode zerstört.
du häsch das aber no irgend wie voll easy gno...
das hät mich scho chlie erstunt...

uf jede fal.. chasch mini zett ha!
isch sicher i gueti händ...

ich chaufe mir ä speed triple... de eint isch mit so einnere abgange wie ä rakete!!!!

hammer!!!!!

Ich bin jetzt doch au scho öfters mit minärä Kilo uf dä Rennstrecki gsi, lohn au immer chli Luft usä, aber amänä Rutscher muäs nöd nur dä Pneu schuld sie. Villicht häsch dis Gwicht nöd am glichä ort gha wiä suscht amel, oder d'Strecki isch bitzli unrein gsi oder oder oder. Do gits tusig erklärigä. Wiä gseit wichtig isch, du bisch no heil. Aber wenns so richtig willsch rauchä loh, muäsch dir vilicht scho überlegä öb nöd än Slick willsch anhauä nögscht mol. Wiä gseit ich fahrä au mitäm Pilot power, aber bin sehr än vorsichtigä Fahrer vorallem bim Gas geh.

Bi am Sa zäme mit 2 GSX-R1000 (K3 und K4) im Black Forest gsii. De einti het denn emal seit "irgendwie lauft's mer hüt nöd eso guet..."
Nachdem mer denn emal Töfftusch gmacht hend hani grad gmerkt warum s ihm nöd lauft, oder besser gseit dass siin Töff nöd lauft, Katastrophe isch es gsii zum fahre uf dere Maschine.
Bi de nächschte Tankstell hemmer den mal Druck gmässe --> vorne wie hine 2.0bar im heisse Reife 8o

nach em pumpe isch denn wider wunderbar gsii.

Fazit:

Lieber zvill Druck als zwenig, 2.5bar fahred sich guet uf minere 6er, 3bar sind au no guet fahrbar. 2bar absolut nüm. Usserdem isch denn de Verschleiss au höcher

das phänomen, dass es lüt mit em pipo ganz unerawrtet uf de strecki uf'd schnurre leit schint mer immer wieder beobachte zchönne...

werded eifach zu heiss die reine strassereife. Zum glück hani bim m3 früeh gmerkt, dass er afangt schlirge und bin defür denn nume no umegschliche. het zwar nume mässig spass gmacht aber defür isch mis gixxi no heil.

Roger

was hets denn alles de zätti gmacht?

ach ja und da no es video us anneau du rhin wo mer das phanomen vom plötzliche gripverluscht au schön gseht.

http://www.gaskrank.eu/tv/racing/adr-elsass-207.htm

nach de helfti vom video gits i de Skurve nach de boxekurve genau das z beobachte. au nume wenig gas aber plötzli gaht de reife recht heftig weg

Bi därä Schräglag ohni Hang off (ihr gsehnd dä Kopf vom Fahrer immer spiäglä und dä bewegt sich nöd würklich links oder rechts) bruchts au aifach fascht kei Gas meh mitämä Strossäreifä. Und genau i därä Kurvä han ich uf mim Video au dä Rutscher aber mitämä M3 und nöd PiPo.
Ich mein mä muäs aifach scho gseh das mir do über Strossäreifä redäd obwohl diä huärrä guät sind isch klar das diä au gränze hend. Han au scho ghört das dä Pipo unverhoft gängi han aber au drü Kollegä inklusive mir wo sägäd niä meh än Metzeler weder Semi no M3. Mit dem wot schlechti Erfahrigä gmacht häsch hörsch aifach uf, das isch jo normal.

dänn chan mir eine erchläre wieso d'instruktore, wo wie die sau unterwägs gsie sind ufäm adr, kei probelm mit der reife gah händ?

die einte händ pipo druff gah, sind die schnällschte gsie und ihri reifene händ vo de abnützig usgseh wie die vom valentino bi de moto GP...

Ich säg jo, wenn du würklich chasch fahrä und s'Gwicht am richtigä ort häsch und und und... chunsch sehr wiit mitämä Pipo. Aber grad im letschtä Training wo ich gsi bin hät dä Instruktor zu eim gseit ich han dir nöd chönä nohfahrä will ich nöd so früh han chönä as Gas mitäm Strossäpneu im Verglich zu dir mitäm Slick. Ich mein für das gits jo Slicks!
Aber ich säg jo au für mich langät än PiPo fohrig, aber isch klar das au dä ad Haftgränzä bringsch wenns huärrä warm isch und aifach am Gasrissisch wiä än möngi. Du bringsch alläs ad Gränzä went das willsch. Drum säg ich jo äs hangät sehr sehr viel am Fahrer. Ich mein dä Cornu fahrt mit dä R6 und Pipo no dä meischtä um d'Ohrä wo slicks druffä hend.

PS: Und was au nöd törsch vergässä sind Fahrwärksabstimmigä etc.

Zitat

Original von Toretto
PS: Und was au nöd törsch vergässä sind Fahrwärksabstimmigä etc.

das isch sicher de punkt.

wennd fahre chasch und s fahrwerk genau uf dich abgstimmt isch (und richtig abstimme chönd nume fahrer wo au fahre chönd) denn chasch doch einiges mache mit de strassereife.

Bi mir isch zum biespiel s fahrwerk soo schlecht igstellt gsi, sprich eifach standard, was ich mit mine körperdimensione nüd bin, so dass au bi mim schlichtempo de m3 würkli devogloffe isch.

aber denke mit eme semislick wie em BT002racing (nüd de racing street) oder eme supercorsa machsch nüt falsch.

und uf was stellsch dis fahrwerk i?

landschaft oder rännstrecki?
so oder so... es wird immer flasch si...

und die meischte chönd nöd viel am fahrwerk umeschrube...
z.b. ich... vorne hani gar nüd zum istelle....

falsch isch es sicher nöd, aber halt nüd würkli gnau.

und da i momentan kei rennstrecki fahre hanis scho eher landstrassemässig igstellt, aber das macht bim sportler chum gross en underschiid..sind eineweg nüd konfortabel.

und rennstrecki heisst ja nüd eifach härt. d kunscht isch es ja s fahrwerch so weich wie mögli, aber so härt wie nötig izstelle und das isch grad s schwere dra.

klar chunt immer no druf ah, was mer alles chan istelle und ich chan bi witem nüd alles istelle, aber mal so e aständigi federvorspannig chasch sicher bi jedem töff istelle.

denn bi de gixxer chani no zug und druckstufe eifach grob so istelle, dass er vorne und hinde glichmässig federed und denn halt eifach no luege, dass d gable au bi vollbremsig no reserve het und nüd uf bock gaht. das gaht guet mit eme kabelbinder umd gable ume und denn voll id ise. so verschiebts dä und mer chan luege wie viel reserve no vorhande sind oder ebe nöd.

muesch mal im internet luege. git einigi gueti aleitige

aber für finers istelle manglet mir halt a erfahrig und fahrkönne. aber das wird wohl de meischte so gah