Also we gseid wet ech em herbst be minere Maschene en 170er Satz dronder meche. Etzte esch d frog was för ne vergaser met twinair lufi. 32er oder 34er? 
Ech ha gseh, dass es för d Mito sogar en 37er ged. Geds ächt so eine au för of ne TZR ond wär das werkli besser als de 34er oder esch das de nor no öbertrebe?
Danke
Edit:
God ächt dä vergaser of en tzr mocke?
http://cgi.ebay.de/ws/eBayISAPI.dll?ViewItem&category=65304&item=7904308430&rd=1&ssPageName=WDVW
@link
da chont ned wörkli öpis be mer!
i dänke eher en 34er als en 32er Gaser, vom 34er hani scho me guets ghört im DT-Forum.
...37 i weiss ned, chönt echli gross si...
weisch du wie das lauft, met em aasuugstotze? bes zonere bestemmte grössi Gaser chame de orig. bruche ond nochher bruchtme en grössere oder irr ich mich?
...i weiss, dases 34, 36, 38 ond 40 vo dell orto ond bing get, aber kein blasse welli passed ond welli ned...
Ich will der nid drischnurre oder so 
aber ich chan der vo sowas direkt abrate. Es git zwei Pünkt wo gäge es "Ufmotze" vomene 125-er Sprechend.
1) Priesfrag: Steck bloss nie z'viel Geld in en 125-er chonsch es sowieso nie zruggüber z.B. mit Verchauf.
2) Verschleissfrag: De Reschte vom Töff chasch nach und nach vergesse. Z' Getriebe meldet sich als erschts und irgendwenn gahts uf alli Lager etc. 125-er isch nid für sowas konzipiert.
Han für'd Rennstrecki en 170ccm + en spezielle 150ccm druffe kah. Isch aber eher als Tescht denkt gsi und nid würklich zum Renne fahre. Z' Getriebe het sich jedefalls schnell Verabschieded kah. Usserdem hend mer die Teili gratis becho (zwecks Tescht). Ansuschte würdi sich das nie lohne.
Ah ok! Wenn du d'Lager vom Getriebe general-überholsch isch Gfahr vomene Getriebeschade natürlich chlinder. Bedenk aber au, dass sowas verdammt viel Zit choschte Chan, chont halt immer drufah, wie gut dich mitem Ganze uskennsch.
Hoffendmer, dass alles glatt lauft ;).
Sägemers mol so. Ech ha das no nie gmacht ond Mech beni au ned. Aber ech troue mer das zue. Wenn ech die ganz Sach e chli met system usenand neme de brengis au weder rechtig zäme.
Ech mache die sach jo em Herbst. Das esch met Absecht so planet wel em wenter hani ned gross vor z fahre.
Bedenkt aber, dass sowas nid numme mit "System" chasch ussenand neh, khört au es bizeli Erfahrig derzue. Git Lager und Welle wo z.B. in der richtige Stellig münd ibauet werde, ansuschte verschellets der alles. De Kolbering mues z.B. richtig innegschobe werde und darf sich kes bizeli verzahne bim Ibau suscht hesch grad en Klemmer oder Krazer im Zylinder. Stellig vo der Uslasstürig mues bim Zämebau wieder richtig sie evtl. Korrekti Übermasslager verwende oder vili Teili ersetzte. Im Getriebe z.B. nid alti Zahnige mit neue Verbinde etc.
Informier dich bimene guete Mechaniker sehr gnau, was wichtig isch z' beachte seggis na so en Seich. Und mach Fotene! Fotene vom Motor wo Schritt für Schritt gsesch, wie das züg ussenand nimsch. Bim Zämebau wird der das Gold wert sie, glaub mers ;). Ebefalls soviel wie möglich (Kabel,...) beschrifte. Au wenn's na so en chline Pfupf isch, chasch der am Schluss Zähn dranne usbiesse ...
Und wenn für irgendwas Zit berechne wettisch (z.B 1Tag für de Motorusbau) chasch immer x2 rechne. Villicht bisch en RIESEGLÜCKSPILZ und es lauft alles glatt. Aber d' Praxis het mer Diheime wie uf der Rennstrecki zeiget, dass sowas fascht nie der Fall isch.
Alti zahnige met nöie verbende? wer chond de of sötig idee? de grifed die zähn jo gar nöm rechtig enenand. ond bem usenand nä werd ech luege wie das züg denne gsi esch, werdes mer uf schriibe ond weder glich zäme mache. zodem hani es rep. manual vo de tzr
chonsch för euses getriebe öberhaupt einzelni zahräder öber?
wärs demfall au möglech bi de einzelne gäng s`verhältniss einzeln izstelle?
en 34 ufen 36 ufträite rundschieber hetti au no... *g*
mikuni vm 34...
aber wür wennt bi minustemarature fahre wotsch uf jedefall druf achte das de vergaser e heizig hett.. mine hetts nöd gha und hett mer au bi 1-2c + ärger gmacht mit zuegfrohrne düüse...
isch en huere fruscht !
