Frontalunfall

    Salü zäme,


    Situation isch folgendi gsi:


    Ich chume mit ca 40-45 km/h (gottseidank nit schnäller!!!) ufere Höiptstrass mit minem Roller. Es isch ca. 18:00 Uhr gsi und es het scho agfange Dunkel zwärde. Wägem Abendverkehr sind dStrasse zimli voll gsi.
    Plötzlich schniidet mir en Audi A4 komplett der Wäg ab, will Fröi im Auto vonere Tankstell het igiboge und mich gar nit het gseh. Ich haue natirli voll ufi Bräms aber zletschte woni kehre isch en dumpfe, hlüte Chnall.


    Wasi no weiss isch, dases mir z Hinerrad het glipft und der Töff nach Links isch fasch isch niderkit. Da mine Roller nit so schwär isch, hani ne churz vorem Sitliche üfprall mim Asphalt no chenne ha.


    Dr negscht Blick vo mier geit üfs Trottoir. Wil dort der komplett vorderteilvo minem Roller ligt. :frowning_face:


    Ich ha mer ane Bei und am Nacke Verletztige züe gizoge, aber has das im erschte Momänt gar nit realisiert.


    Denn isch öi scho die Polizi da gsi. Nach re Stund Formular üsfille het mich mine Dad mim Auto heimgfahre. Deheime hani de ersch gmerkt, das mer eigentlich gar nit so güet geit. Will mier uf zmalsch alls agfange het dräihe etc.


    Das d Autofahrerin schuld isch gsi, isch vo Afang a klar gsi und so ha ich mine Töff ca 2 Wuche iner Garage miesse ha. Dem Rahme hets zum Glick nix gmacht. Mit meh als 1'500.- an Reparature hani de der Töff wider wie neu zrugbercho.


    Ich ha nume Glick ka, dass ich nit schnäller bi gfahre. Mich nimmts nit wunder wie der Unfall passiert wäri, wenn ich mit 75 - 80 km/h uf das auto wär züegfahre....


    Hie mal es Bild vo minem Töff nahm Unfall:


    [Blockierte Grafik: http://mitglied.lycos.de/code7seven/unfall01.jpg]


    Der Unfall isch im November 2003 passiert.


    mfg c7

    Risotto - Patati - Ducati

    :frowning_face: das isch wieder mal eine vo denen typische Unfäll. Ischmer auscho paar mal fascht passiert, also hät immer no glanget zum halte oder uf Gegefahrbahn uuswiiche, aber immer hätmer nöd Glück.....

    "Ich glaub wemer aständig fahred fallts glaub nöd so uuf oder?" (Zitat: V|rus zum Yoshimura RS3)

    Autsch. Zum glück bisch nöd schneller unterwägs gsi und es isch nöd meh passiert.
    Han zum glück no nie e bränzligi situation gha, aber ha scho mängisch de chopf müese schüttle.

    ja es isch doch immer sgliche mit dene autos X(
    die gsend eim eifach nöd weiss au nöd wo die amigs anelueged

    es chan sii das sich das losfibriert het :wand:

    Typisch autofahrer!
    Die dänked immer "Jaja, das langet schono, de isch ja nöd so schnäll" und dänn mues mer voll uf d'chlötz dases kein crash git... X(

    <center>Wenn eine Frau fünf Minuten nichts sagt, ist es an der Zeit Wiederbelebungsmassnahmen zu ergreifen.

    genau so isches X(
    oder si meined de hät ja nur eis liecht das isch sicher nur es velo :W

    es chan sii das sich das losfibriert het :wand:

    hey es sind nid all autofahrer so! klar hani au scho mit müehsame driver müesse kämpfe, velos, roller, 125ger, töff, autos, bus, lastwäge... es git überall vandale au mir sind nid immer ganz unschuldig... wenn i nur scho drah denke wieni amel bim heize die autos überhole... *chopfschüttel* ....


    unfall isch immer shiti, aber mer sött nie all in gliche topf kicke und immer mit chli respekt umefahre... ja ich au... :face_with_rolling_eyes::smiling_face_with_sunglasses:

    rally lugano: "du... wo sind mer da? - scheissegal, gib gaaaas!!!!!!!!"

    Ja klar sind nöd all Autofahrer so susch würimi au dezuezehle :D:D.
    Ich findes eifach e mittleri Katastrophe wenn z.B Lüt zmitzt im Abigvercher am Handy hanged und einhändig ide gegend umekurved (und amig no Rauched debii). Sogar scho söttig gsee wo ufem Roller am SMS schriibe gsii sind 8o. Ich mein klar chasch Unfäll nöd all vermiide, aber mer sött bide Sach sii bim fahre. Leider verleitet halt di gmüetlich Sofaatmosphäre im Auto chli dezue öppis anders zmache (isch ja au würklich langwiilig ohni Fahrwind, Motorgrüsch usw.). Usserdem hätmer ja ABS und Airbag, vodemher chamer ja locker chli me Gas gää :face_with_rolling_eyes:.
    Was sicher auno hüüfig e Rohle spillt isch das gwüssi eifach miteme Filter umefahred wo alles usser Auto uusbländet und dänn luegeds di zwar a, fahreder aber glich vor dSchnurre ane.


    Klar nimer isch unschuldig, ich fahre au nöd immer super defensiv (:face_with_rolling_eyes: ) usw. aaaaber wenni fahre, dänn konsetriere mich uf das und nöd uf de Radio, dUussicht, sHandy oder weiss ich was.

    "Ich glaub wemer aständig fahred fallts glaub nöd so uuf oder?" (Zitat: V|rus zum Yoshimura RS3)

    ja das stimmt es sind scho nöd all autofahrer so
    es git sogar richtig aschtändigi wodi amigs füre lönd,
    aber nach de nöchschte kurve chunt schowider soeine wo komisch fahrt und de ander isch schowider vergässe :frowning_face:


    wenn ich mitem auto underwägs bin luegi immer dasi de töff chan platz mache :winking_face:

    es chan sii das sich das losfibriert het :wand:

    Muäs am V|Rus au rächt geh, und euch natürlich au. Aber äs isch scho so, dass mä im Normalfall
    nur d 'Fähler vo dä anderne gseht. Als Töfffahrer muäsch aifach uf all und für all luägä.
    Geschter hät än Autofahrer dä Blinker stoh loh und isch den glich grad us gfahrä, han grad au no
    än schock gha.

    RACING IS LIFE...ANYTHING THAT HAPPENS BEFOR OR AFTER... IS JUST WAITING