Jetzt hetts doch no klappt!
Ha mi scho vor änärä Wuchä agmäldet, und bi denn im Spam glandät... 
Fahrä fascht 40 Johr Töff, min erscht isch än Höndäl CM 125 gsi, denn no nä Yämi DT 125 für ä Wintär, denn z'mol binni no jedä Dag und bi jedäm Wättär gfahrä, jetzt nümm. Nochhär hannis gros Billet gmacht und ä Yämi XV 535 Virago gha (und mitäm L bis uf Holland gfahrä!), spöter denn in Indiä ä Enfield Bullet 350 Jg 74, zrugg in dr Schwyz au ä Enfield Bullet aber dr 500er. Um d'Johrtuusigwändi denn no ä Triumph Trident T150V Jg 74 (bi sälbär Mech!). Und denn nomol än Enfield Bullet 500 aber au in Indiä, ah jo, in indiä hanni au no ne Kawaski Bajaj 4S Champion gha (100 Kubik), bi insgesamt meh als 5 Johr in Indiä gsi und ha grossi Tourä gmacht, vo Wescht nach Oscht und zrugg und vo Nord nach Süd und zrugg, und au vo Wescht nach Süd (eimol sogar mit dr chlinä 100er Kawasaki) 
Und jetzt hanni widär än Enfield, abär dismol mit Brämsänä wo ziän und zwei Zylinder: Wonni mol us Gwundär gluägt han, ob diä d'Bullet immär no machä, hanni dr Interceptor 650 gseh und mir grad einä Occasion kauft und bi total z'fridä drmit. Sit siebä Johr binni widär in dr Schwyz, nachdäm i sächs Johr in Frankriich gsi bi und wohnä jetzt im Bärnbiät. Glehrt hanni wiä gseit Mech (Wärchzügmachär) abär han au uf andärä Brüäf gschafft.
I freuä mi uf ä Uustusch mit Euch und wünschä allnä ä guäti Fahrt!
Ray
