Rennschale; wer het interesse?

De Maini, Hypi und ich hend ois mal überleit öb mer sich nüd doch fürd rennstrecki sött e rennschale chaufe.

ich han denn e mal chli umeglueged und im dütsche doch no ganz gueti agebot gfunde vo MLB verchleidige.

luut es paar lüüt us em racing4fun.de forum seged die au ganz guet und heged es super priis leischtigsverhältnis.

choschte würd e kompletti schale für die gängige sporttöffe inkl. höcker, oder und underschale ca 550CHF mit versand MwSt usw.

falls es jetzte no lüüt da gäbti wo interesse annere schale hetted chönti mal nahfräge, öb mer chan en "forumsrabatt" usehole, oder wenigstens versand spare.

http://www.mlb-motorsport.de/

da chönd er mal luege öbs für eues modell eini git und wie viel dass sie choschtet. die meischte sind 349euro und umgrechnet mit abzug vo de dütsche MwSt. und inkl. versandchoschte chunt mer so uf öppe 550CHF

wenn mer bedenkt, dass das nume chli meh isch als en reifesatz und vorallem, wenn mer mal d originalpriise aluege, denn findi lohnt sich das scho.

nume sämtlichli lämpli vo minere gixxer choschtet scho meh 8o

naja es söll ja nüd so schwierig sii.

also wennd dini schale chasch abbaue, was bi de gixxer nid schwer isch, denn bringsch d rennschale au here.

vorusgsetzt du hasch mit eme dremel grad löcher bohre.

und susch chan mer immer no luege dass der öppert mal chunt go helfe.

wenn sie eimal apasst isch, denn hesch nachher keis problem meh bim montiere.

naja eifach so d schale abbaue hani au nüd gschaffed, wells eifach jedi mengi "versteckti" halterige git.

aber mit em werchstatthandbuech woni han für mini gixxer isch das wie legobaue

eifach schritt für schritt wies i de aleitig staht und denn passt das scho.

chönt mit dere aleitig de ganz töff zerlegge, aber das machi wohl doch lieber nööd

nei leider nööd.

hend nume alli gängige racebikes, aber kei supermotos

strasserennmaschine meini.

und lönd eu nume ziit.

ich bruch mini schale ersch so im auguscht. vo dem her

ja denn bstelled mer denn wenn ihr sie bruched.

das isch mir au egal

so han emal agfrägt, wie de Priis würd usgseh, wenn mer vier schale würded näh

also hypi, Bosco, toretto und maini.

isch natürli no nüt definitiv aber eifach, damit mer mal en priis hend und vorallem, was halt alles mögli isch in sache rabatt oder kei versandchoschte usw.

falls no öppert eini wett immer nume melde. fräg au no die lüüt woni so kenne wo en sportler fahred und chönted interesse hah.

je meh mer zämebringed, desto besser sind d chance uf en guete bs sehr guete priis.

gueti nachrichte.

han d antwort becho wege de rennschalene und es isch doch en ganz nette pris woner mache chan.

also wenn mer 4 schale würded näh, denn wär das:

lischte: 349euro für verschalig ober-underteil und höcker

dadevo werded 5% abzoge wege Mengerabatt
zuesätzli no 19% wege de dütsche MwSt.

macht also 24% weniger als Lischte.

dadezue chömed denn no d schwiizer Mwst. und das macht denn en Totale Pris vo chli meh als 290euro

das sind ca. 475CHF, was doch en sehr guete Pris isch

denn chömed mer no d Versandchoschte in höhi vo 23euro gschenkt über.

also zu dene 475CHF rechnet sich nüd no irgendwelches komisches versandzügs oder so dezue