Bi eigentlech ganz per Zuefauu uf die Siitä cho.
Ha im Google öppis gsuächt, 
...weiss aber nüm was. Isch ja ou glich. Uf jedefauu hani gseh das das ou äs Forum isch wo no Mundart gschriibä wird und da wett ig doch chli unterstüzig gäh. Findäs nähmlich guät das jedä cha schriibä wiä ihm dr Schnabu gwachsä isch 
. Ig bi zwüsch innä mau im MT azträffä, z'KF isch aber das Forum wo ig am aktivschtä bi.
So jetzt no chli öppis zu mir.
Ig bi 32i, bi verhürotät 
, Vater vorä 7 Jährigä Tochter
und wohnä im Bärner-jura. Bi Spränger und Maschinischt vo Bruäf, auso sit lieb zu mir süsch geits öichnä Chläpf a Chragä
:D. Zu minä Hobbys zehuä näbem Töfffahrä ou no PC, Gartä, üsi Chatzä, und mau mit guätä Lüt i Waud goh brätlä und d'Sou usloh.
Fahrä tuä ig im Momänt no ä Honda CBR900RR Fireblade mit Boujohr 2000, ha aber im Sinn, no die Saison z'wächslä und zwar uf KTM, wahrschindlech ä 950/990 Adventure.
So wenn no irgend frogä si, ruhig steuue, ha no keinä gfrässä
Sälü zämä
-
Jo willkomme do inne, viel Spass
I glaub i cha nüm rechne, bisch 32i mit Jahrgang 1945?
Hilfe, denn bin i ja gar noni uf de Welt wenn jetzt s'Johr 1977 isch
-
ich säg jetzt nüt falsches schösch chani morn onder de brogg schloffe he :P!?
hehe härzlich wilkomme be eus em forum!
hoffe du hesch spass do inne ond schribsch aktiv met ;)!
gueti fahrt
ps: geils töffli hesch ;)!
-
Zitat
Original von nues90
Jo willkomme do inne, viel SpassI glaub i cha nüm rechne, bisch 32i mit Jahrgang 1945?
Hilfe, denn bin i ja gar noni uf de Welt wenn jetzt s'Johr 1977 isch Ja vo luter auter kei Jahrgang meh.
Weiss ou nid was ig g'kauberät ha
, aber uf jedä fauu hanis sofort korigiert. -
Zitat
Original von -=TS=-
ps: geils töffli hesch ;)!
Welläs meinsch jetzt? z'Avatar Töffli oder z'richtigä Töffli?
-
Sali. Au vo minere Siite vell Spass do em Forum. Velecht werd mer sech jo mol träffe.
-
Ciao Panolin, viel Spass do inä...
