ich ha uf motorradhandel e 2004er ZX10-R xeh mit knapp 50000 km, eme superbikeumbau und BOS-Topf für 9900 stutz.
ich wett de töff eigentlich vo sinere verpackig, sprich verschalig befreie und als zweitmaschine zum viellicht mal uf'd strecki und susch zum umeröschte bruuche
mini frage sind jetzt, wie haltbar isch so en motor? hed öpper erfahrig? uf was sett ich luege bi dere maschine?
ich wird en sowieso zerscht mal probefahre, wett aber trotzdem allefalls kritischi pünkt wüsse.
Zx10-r 2004?
- Mercutio
- Erledigt
-
also d ZX10R het sehr guet abgschnitte im 50'000km durtescht vo MOTORRAD. uf dere ihrere homepage chasch en abelade.
so guet wie neuwertig motoresiitig. Bis 100'000 chönt so en motor hebe.
S einzige wod unbedingt muesch fräge, isch, öb de lima gwechslet worde isch und d vorderradfelge. sind beides mal rückruefaktione gsi.
well bi de LiMa's hend immer chli problem gha und das het zumene totale motorschade chöne füehre. allerdings meischtens scho nach 5000-10'000km, well sich teili glöst hend und denn paar sache zerstört hend. wenn de töff scho so viel km druf het nimi mal ah, dass de das problem nüd het, well susch wärer vorher hops gange.
ansuschte eigentli en problemfreie töff abgseh vo dene zwei sache. han ja selber au zwüsched ere 10er und de kilogixxer müesse entscheide. usschlaggebend isch nachher eifach gsi, dass beidi glich tür gsi sind aber d gixxer nur halb so viel km gha het und halt schwarz gsi isch
allerdings hani grad gseh, dass für en 1000er meh eini bechunsch mit genau halb so viel km, was sich wohl lohne würd.
wenn aber alles guet pflegt worde isch a dere maschine und vorallem de 48'000km service gmacht worde isch (sehr türe grosse service) und dete alles in ordnig gsi isch denn wirsch da eigentli guet chöne zueschlah. -
trotz guete tests etc tunkt mi 9900 glich bizli vill. ich meine es isch immerhin en ufzüchtete motor wo immerhin scho satti 50000km het....
-
ich cha dir nüt belege und es het au sicherlich echli mit buchgfühl ztue... aber das wo ich scho gseh han (sportler mit vill km) isch meischtens nüme würkli das wahre gsi und vorallem extrem vill billiger. es sei denn es isch idä zwüschezit en ustuschmotor iboue worde denn wärs wider e anderi gschicht aber das glaubi nöd suscht heters werwähnt. klar hebät de motor nomal 50'000km aber es chömed sicherlich immer meh "problem" uf wo denn tüürer werded und halt im service nöd nur de ölfilter gwächslet wird sondern glich halt mal es pleuellager oder weis de tüfel was ersetzt mues si....
-
also denke mal e besseri referenz als de 50'000km tescht vo de ziitschrift MOTORRAD findsch wohl nöd, was d lebensdur vo de ZX10R abelangt. Zudem het au d k5 kilogixxer usserordentlich guet abgschnitte. emal s image, dass sporttöff genau so schnell kaputt sind wie's fahre chönd stimmt nüd würkli bi allne modell und vorallem immer weniger.
[Blockierte Grafik: http://go-offroad.ch/forum/uploader/data/ZX10Rtest(Original).jpg]
Mercutio
wennd de ganz abschlusstescht 50'000km wetsch schick mer eifach schnell e PN mit dinere mailadresseund en guete beliebte töff choschtet halt mal meh. wenni da bedenke wie viel mer teilwies no zahlt für 8jahr alti r1
-
Zitat
Original von DonBosco
und en guete beliebte töff choschtet halt mal meh. wenni da bedenke wie viel mer teilwies no zahlt für 8jahr alti r1Das widerum stimmt....
-
ja denke au, dass de töff wenig churzstreckene sondern vorallem zum toure brucht worde isch. drum au de superbikelenker und das chunt ja em motor z guet, wenn er nüd zum id stadt fahre und umepose brucht worde isch.
-
hani per zuefall gfunde
http://www.ricardo.ch/accdb/viewItem.asp?IDI=524798974
vielicht ja öppis für dich.
-
oder hesch mal die neue aprilia tuono's au ab BJ 06 aglueged?
Sind au ganz geil zum fahre, obwohl reine spassfaktor d superduke no chli höher liit.
-
Zitat
Original von Mercutio
evtl. chauf i aber denn schlussändlich gliich e superduke, will das isch bis jetzt öppis vom geilschte, woni demit gfahre bi. die denn aber ab 2006 wägem grössere tank und em gringere verbruch.Dsuperduke hät erst ab dem Jahr en grössere Tank und e anderi Isprützig(Näbed Designänderige und emene 16er anstatt 17er Ritzel) wills sust dEuro3 nöd gschafft hätted. De Verbruch isch bim umegondle tatsächlich chliner aber sobald mer chli zügiger unterwägs isch suuft si wieder glichfill wie die Alt.
05er und 06er sind abgseh vo es paar Fehler wos händ müesse usmerze(Alasser, Tanksensor, Kuppligszylinder) identisch.