ZitatOriginal von Epimenides
Hmmm... wür mich jetz au grad no interessiere wie das so isch.
Bin grad hüt endli mal mitem töff go schaffe, und han in Sihlbrugg und in Zug (wos immer immer immer Stau het) grad di ganz Kolonne so überhollt...
das mach ich z bade diä ganz zit bzw. jede tag 
immer schön rächts verbi uffem velostreife letzschens sogar vor d polizei aghalte sie händ nüt gseit hehe
Aso ech machs au emmer 
Solangs gnueg Platz het 
Rechts ufem Velostreiffe hani's au scho gmacht gha, het mi 60.- g'kostet.
Links drah verbi hani suscht immer gmacht, wenni en bullecharre gseh han bini nebed ihn gfahre und hanem wiisgmacht dass mini XTZ750 Luftküehlt seg und weni nöd so schnell wie mögli wieder fahre chan, es mer de mocke lüpft.
ca. 9 vo 10 Bulle hend's mer denn erlaubt, und de ander vo dene 10 hets garnöd interessiert 
olol cedi, de isch abr geil
Hmm komisch, ich bi bis jetzt wirkli immer der Meinig gsi, dass meh als Töfffahrer ufem Velostrife darf en Kolone rechts uberhole, solang meh kei Velofahrer behindret und en gmässigti Gschwindigkeit het... isch das totale Bulls**t ???
ZitatOriginal von CodEseVen
Hmm komisch, ich bi bis jetzt wirkli immer der Meinig gsi, dass meh als Töfffahrer ufem Velostrife darf en Kolone rechts uberhole, solang meh kei Velofahrer behindret und en gmässigti Gschwindigkeit het... isch das totale Bulls**t ???
Velostreife heisst ja nöd ohni Grund Velostreife Gänzlich gilt, wenn die Autos im Stillstand sind, isches "Nicht einhalten Seines Platzes in einer Stehenden Kolonne" = 60.- Buess. Wenn am Rolle sind: Blinker Links und langsam dra verbi ( also so 5-10 km/h ) denn tüend d'Polizischte au nöd sooo Dumm, wenner aber meined mit 50-60 km/h drah verbi z'fahre müender eu nöd wundere wenn usenem Dunkle Opel Omega uf einmal sone Wiiissi Kelle mit Roten Liechtli usechunnt
ZitatOriginal von Cedi
Velostreife heisst ja nöd ohni Grund Velostreife
Ig go mou das Grechtsurteil, oder die Wiesig go sueche, wo da met em Velostreife-Fahre stoht.
Uf jedefau dörf me das.
Sovill ich weiss dörfed uf de Velostreife:
Velos
Töffli
45 km/h resp. Kat F. Fahrzüüg
Vo richtige Töff ( also 250ccm ufwärts ) hani no nie öppis ghört, dass die uf de Velostreiffe dörfet.
Da wird ja wieder zämegschwaflet, weiss niemer me recht was nu gaht und was nöd 
Definitiv Erlaubt:
Links überhole bi rollender Kolonne (segs no so langsam, eifach in bewegig), gilt als normale Überholvorgang. Gaht aber au nur sofern d Gschwindigkeit agmässe isch, kei durezogeni Linie etc... sött ja jede wüsse.
Links überhole bi stehender Kolonne, Ordnigsbuess vo 60.-, meh gits nöd. Vieli Bulle tüend da aber nöd sooo blöd sofern mer i de Spur blibe isch, vorsichtig gsi isch und wieder es Plätzli witer vorne gfunde het.
Rechts überhole = Rechts überhole. Was das heisst sött jede wüsse.
Rechts überhole Velostreife: Weiss ich selber nöd, stelle jetzt aber e Behauptig uf: Grundsätzlich würd ich sege isch das nur mit Velo, Mofa und Kat F. Töff (söll au Kat F Auto geh ) erlaubt. Alles ab und inkl. 50ccm (wissi Nummere) het dete nix verlore, es sei denn mer isch am umelahme (chan vorcho mit 50ccm )und laht Auto etc. überhole, sofern kein Velofahrer gstört wird.
Kat. F isch ufem Velostreife au nöd erlaubt. Ich han mich zBade öfters ufem Velostreife am Fiirabigvercher uf de Hochbrugg verbigschliche, eines Tages sind bi de Linde zwei Schmier am Fuessgängerstreife gstande wo ich erst gseh han wo ich a de rote Ample gstande bin.
De eint Schmier:"Du weisch scho dass das verbote isch?"
Ich: "Öööhm, nöd würkli."
"Jetz weisches, mach das furtchunsch sisch grüen!"
Hends wenigstens gseh dasd es F-Fahrzüg gha hesch? Wenns vor dir gsi sind und en 50er gsehnd und ghöred heisst das ja noni dass du kei gelbi Nummere hesch...
Übrigens, geils Möfi hesch, luut Profil
Du au, luut Avatar
Das isch im Summer 2002 gsi, det häts ma kei Kat A1 geh. Aber ich bin mer au suscht sehr sicher das en Fahrrad weg nur für Fahrräder und Motorfahrräder erlaubt isch.
ZitatOriginal von Chromopila
Du au, luut Avatar
A mim Fuhrpark isch tatsächlich nur de Avatar geil... 
ich froge mol de kolleg de esch be de bulle de weiss das sicher
