Spurplatten Golf IV, woher?

Jetzt chömer denn bald es Auto/Roller Forum drus mache, ehrlich.....

Zitat

Original von fist Alpha
Jetzt chömer denn bald es Auto/Roller Forum drus mache, ehrlich.....

ah chum etz...

er schribts ja is geplauder ine... wer ned wiiter weiss sell ned dri luege.. punkt.. luege au ned jede witz aa wenni kei bock han... und es isch ja au keis "witz-forum" wäge dem...

Also ich glaube Barracuda hed so dinger im programm... evt. finsch bide grosse fahrwerkshersteller au öbis (weitec, KW, Bilstein usw...)
Susch D&W mal go luege wenns sell günstig sii...

aber frage:

wieso wetsch hien meh platz?

füren mischbereifig? (isch vilicht meh schlächt als rächt.. aber mues jede selber wüsse)

EDIT:

A propos mischbereifig... wenn s ziel isch dis unterstüüre wegzbringe, denn machs umgekehrt.. gsed zwar blöder us... aber es isch technisch die gschider variante... indem du ufen normale 50/50 allrädler HINE en breitere dra duesch, förderisch du nur es unterstüüre... d frag isch ob das öberhaupt öbber wett... Aber es git nüt wos nit git...

Zitat

Original von :Dark_Force
Danke für die erschte Tipps Day-Day
Nei wott hine nöd mee Platz, sondern halt eifach d'Reife wie a de Vorderachs uf Höchi vo Kotflügel-ussekante bringe.

Also das heisst Fahrtechnisch xeh sött de Wage nachher meh understüüre?

btw.: 4Motion heisst nöd 50/50, sondern normalerwiis VA-Atrieb und bi Bedarf wird die hinder zu 40% mit aatribe (So hanis zumindescht mal gläse)

AAAH etz checkis.. han namal mösse din ersti post läse...

Ah sooo.. Vorne isch scho bündig, etz mueses eifach hine na sii.. ja das kenni, kolleg hed au en G4 gha, zwar en 1.6 aber trotzdem... gsed scho recht schlimm dri vo hine wenn kei breiti felge dra sind. Hmm... Aber isch luschtig dasses vorne gaht mit 7zoll und hine en grosse unterschied bestoht... Das passiert eigentlich nur bi autos wo fören mischbereifig bestimmt sind

Aber angesichts dass 4-motion doch, entgege minere vermuetig, "nur" en zueschaltbare allrad isch, denki machts erst recht nid vil us... ob die hine dran hesch oder ned. Also technisch unmerkbar wöri mal säge. Chasch i mine auge bedenkelos montiere.

Bimne permanente wärs chli andersch, aber au det nur en sehr gringe iifluss und au nur bi sehr forscher fahrwis...

@4-motion

weles system hed de G4V6 dine? Torsen-diff oder haldex?

jäää ich bin mer da nid sicher ob das generell öberall übernoh worde isch...

soviel ich weiss dued haldex ebe nur zueschalte wenn nötig... und s torsen dued entsprächend verteile.. also wäri s torsen eigentlich de wahri permanenti allrad und ned de mit haldex. Haldex hed eifach en verbruchsvorteil gegenüber me permanente allrad da meistens eh nur d vorderrad atriebe werded.

weiss aber ned ob haldex erst sitem G5 iigführt worde isch oder obs vorher scho im V6 4-motion dine gsi isch... bi audi isches glich, det isch quattro au nid gleich quattro... bi de chlinere motore mit 4-rad isches glaub au haldex und bide schwerere und sportliche en permanente.

ich bin prinzipiell kei fan vo haldex... stohne meh uf hecklastige atrieb und wenn 4 rad denn permanent 50/50 (oder hecklastiger) wobi ich bezwifle dass bi VW/Audi wörkli 50/50 standard gilt. Rein scho konzeptbedingt wärs schwerig... wemmer vo grund uf luegt werded die all als fronttriebler konzipiert und die meiste au als sonige verkauft... und ich chan mer guet vorstelle dasses au rein fahrdynamisch eifacher isch au de allrad frontlastiger z konzipiere und die hintere denn wörkli nur als "hilfsrädli" z verwende.

Das ganze isch bim X-drive und Porsche andersch... und darum... rein fahrtechnisch, lieber en Bimmer oder Porsche