HILFE!!! Ducati Monster-heck verkürtzt

    Hallo Zusammen!!!
    Der Grund warum ich euch um hilfe bitte ist der das ich eine Ducati Monster Fahrerin bin und eine Ducati mit verkürztem Heck habe, aber ohne Prüfbericht. Bin auf Kontrolle gewesen, alles ist Tipp Top, aber sie verlangen Prüfbericht von mir. Mein Mechaniker hat mir gesagt das alles in Ordnung ist, aber muss mir „NUR“ dieser bericht besorgen. Könnt mir, bitte helfen, und sagen, wie ist vorgehungs-weisse? An wen soll ich mich wenden um bericht zu besorgen?? Bin Verzweifelt... :wand::wand: Mann schickt mich hin und her, und keiner kann mir helfen...


    Dankbar im Voraus.


    :confused_face:

    Hallo!


    i dänke dassd zersch mol sötsch luege wer de hersteller esch vo dem heck ond denn de importeur i de schwiiz usfindig mache! die müend der de wiiterhelfe...well de importeur esch de wo die teili met brecht för d'schwiiz mues versorge, also muesch det nofrooge...;)

    Zitat

    Original von hexy
    Hallo Zusammen!!!
    Der Grund warum ich euch um hilfe bitte ist der das ich eine Ducati Monster Fahrerin bin und eine Ducati mit verkürztem Heck habe, aber ohne Prüfbericht. Bin auf Kontrolle gewesen, alles ist Tipp Top, aber sie verlangen Prüfbericht von mir. Mein Mechaniker hat mir gesagt das alles in Ordnung ist, aber muss mir „NUR“ dieser bericht besorgen. Könnt mir, bitte helfen, und sagen, wie ist vorgehungs-weisse? An wen soll ich mich wenden um bericht zu besorgen?? Bin Verzweifelt... :wand::wand: Mann schickt mich hin und her, und keiner kann mir helfen...


    Dankbar im Voraus.


    :confused_face:


    Hallo erstmal und :welcome:


    kannst du mal ein paar fotos schiessen von deiner monster, möchte da gerne schnell sehen was du genau meinst... einer monster das heck kürzen kann man auf sehr verschiedene arten... brauche zuerst mal ein klares bild.


    gruss

    Also...


    Ech nehme mol a du bruchsch ned för s'Heck (Plastikteil) es Papier oder?
    Sondern will dMonster so 2 dooofi schiiiss Rohr het wo eifach vel zlang send. Stemmts?


    Ond gnau för das bruchts es DTC-Guetachte. Ech ha mis vom Ducati Mitteland in Niederbipp.
    Det wörsch au du eis öbercho.

    Zitat

    Original von DeepZone
    Also...


    Ech nehme mol a du bruchsch ned för s'Heck (Plastikteil) es Papier oder?
    Sondern will dMonster so 2 dooofi schiiiss Rohr het wo eifach vel zlang send. Stemmts?


    Ond gnau för das bruchts es DTC-Guetachte. Ech ha mis vom Ducati Mitteland in Niederbipp.
    Det wörsch au du eis öbercho.


    vo was für rohr redsch du? schalldämpfer?


    han etz fotis gseh.. isch en ganz normali monster eifach ohni das grusige teil hine.. wies no so vil hend uf dere welt... like this:


    [Blockierte Grafik: http://www.soulreavers-mf.de/images/bikes/ducati_monster/ducati_monster_1000.jpg]


    ich weiss halt au ned ob das jetzt no legal isch oder ned... aber isch recht komisch dass die wäg dem öbis verlanged.. gid ja nüt z vorwiise deför...


    hexy


    was meinst du genau mit "Prüfbericht"? ich versteh nicht ganz was das sein soll...

    @Day-Day... wennt no nie es Ducati Heck vo nöchem gseh hesch ond gnau aglueget hesch, schriib doch ami am beste gar nüd dezue!


    Wie du scho rechtig erchännt hesch, brucht mer elei för sPlastikzügs nämli keis Papier.
    Vowäge Schalldämpfer, ganz so domm be ech ned! Will die legged nämli liecht neume andersch.

    Zitat

    Original von DeepZone
    @Day-Day... wennt no nie es Ducati Heck vo nöchem gseh hesch ond gnau aglueget hesch, schriib doch ami am beste gar nüd dezue!


    Wie du scho rechtig erchännt hesch, brucht mer elei för sPlastikzügs nämli keis Papier.
    Vowäge Schalldämpfer, ganz so domm be ech ned! Will die legged nämli liecht neume andersch.


    @DeepZone


    Ja es chunt ja gar ned druf ab ob ich es ducati heck vo nöchem agluegt han oder ned... Helfe chamer glich versueche.
    Fakt isch dass hunderti so umefahred und warschinli die meiste kei problem becho hend wege dem... wills susch ja wohl chuum so populär wär... Aber wennt so stolz bisch und s gfühl heshc muesch mech do go belehre so ganz ala "haha ich weiss halt meh öber monster als du", will eifach es problem mit mir hesch.. nur zue...


    wenni da frage stelle zu dene rohr, chasch ja au ganz eifach säge was gmeint isch...


    A propos: "Sondern will dMonster so 2 dooofi schiiiss Rohr het wo eifach vel zlang send." <-- isch amel guet möglich dass es da umd schalldämpfer gaht... Oder gsehni das falsch?


    hexy:


    Hier eine möglichkeit für dich:


    KLICK

    Nur damit alle vom gleichen sprechen, hier ein Foto von einer originalen Monster (ok, mit paar Anbauteilen):


    http://upload.wikimedia.org/wi…/de/3/3f/Monster_S4Rs.jpg


    und hier noch ein Link der hilfreich sein könnte, falls die Info von Deep Zone nicht reichen sollte: http://www.dmcswiss.com/


    Auf den Fotos erkennt man, dass das Plastik-Teil hinten fehlt, nicht aber, ob am Rahmen etwas geändert (gekürzt) wurde. Ich wäre auch davon ausgegangen, dass das Plastik-Zeug nicht unbedingt sein muss - auch kann ich nicht ganz nachvollziehen was man da für ein Gutachten (gemäss MFK) haben müsste. Ist ja weder Sicherheitsrelevant noch ein Teil welches irgendwie das Fahrverhalten beeinträchtigen könnte. Aber bei der MFK weiss man eben nie so genau, was die eigenlich meinen (und oft sind die Infos auch schlicht falsch).


    Wenn hingegen am Rahmen selber etwas gekürzt wurde, dann kann es haarig werden. Der Rahmen ist eines der wichtigsten Bauteile und in der Gesamtheit geprüft, wer da auch nur irgendwo ein Loch reinbohrt, irgendwas schleifft oder gar schweissen will, der muss damit rechnen, dass er den Rahmen in die Tonne werfen kann. Ausser man hat eben einen Prüfbericht der bestätigt, dass die Änderung fachgerecht erfolgt und keinen Einfluss auf die Struktur und Festigkeit des Rahmens hat.


    Also ist die Frage nach dem was genau geändert wurde eben sehr relevant.


    Das "Gutachten" wird in der Regel vom DTC (Dynamic Test Center) in der Nähe von Biel ausgestellt. Dies ist die offizielle Prüfstelle für Fahrzeughomologationen in der Schweiz. Gut möglich, dass auch diverse Händler Zugang zu solchen Bestätigungen haben, wenn es sich um "Standard-Umbauten" handelt. Wie gesagt: die "Monsteristen " können Dir da wohl eher weiterhelfen, als die Leute hier im Forum, wenn es um solch fahrzeugspezifische Umbauten geht..


    Marc


    weisch was... eigentli wärs fasch logisch (fasch!) das ech meh dröber weiss...
    Da ech jo sälber eini ha! Ond bi dere ha ech sHeck sälber körzt.
    Zodem wie de Yami, ond ech vorher jo au scho, gschrebe ha, brucht mer bi de Heck (Plastikteil) sälber kei Fötzel. Det esch nor wechtig das es Röckliecht, en Nommerescheldbelüchtig ond je nach dem Blenker dra send.
    (sorry jetzt scho för sbelere.... :ugly: )
    Ond bi de Heckchörzig gehts zo 98% Problem, da wie de Yami au scho gseid het, die zwoi Rohr zom Rahme ghöred. Sprech mer chörzt de Rahme ond för das brucht mer es DTC-Guetachte.



    Ond ebe so es DTC-Guetachte chönd ned vel Lüt usstelle...aber s'Ducati Mittelland esch eine devo.

    3 Mal editiert, zuletzt von DeepZone ()


    Ja werum denn nid grad sofort so... :wand:


    Meh han i gar ned welle wüsse...
    Und usserdem hani nie in frag gstellt dass du meh weisch öber die monsters als ich.. isch ja, wie du seisch, logisch... Aber ebe, vilicht hesch ame müeh z verstah was gschribe worde isch...


    "vo was für rohr redsch du? schalldämpfer?" schrieb ich...


    verstosch die frag jetzt? :face_with_rolling_eyes:

    ok besch entscholdigt...ech ha jetzt mol agno das wenn du weisch wie en monster usgseht...das du au weisch das dSchalldämpfer onmöglech was chönd met Heckchörzig ztue ha. Aber egal...


    Aber was ech der eigentli ha welle säge.... wenn du sälber Froge zo somene Thema hesch, setsch evt am Afang ned i dere Person wo de Thread gmacht het ergendwelchi Uskönft gäh. Das brengt nämli dLüt nor dorenand...
    Ech hoffe du weisch was ech meine, ond nehmsch es ned zu persönlech.

    Zitat

    Original von DeepZone
    ok besch entscholdigt...ech ha jetzt mol agno das wenn du weisch wie en monster usgseht...das du au weisch das dSchalldämpfer onmöglech was chönd met Heckchörzig ztue ha. Aber egal...


    Aber was ech der eigentli ha welle säge.... wenn du sälber Froge zo somene Thema hesch, setsch evt am Afang ned i dere Person wo de Thread gmacht het ergendwelchi Uskönft gäh. Das brengt nämli dLüt nor dorenand...
    Ech hoffe du weisch was ech meine, ond nehmsch es ned zu persönlech.


    oh danke..


    han scho gwüsst wie en monster usgsed.. aber es gid da no öbis chlises womer dure chopf isch wo mit paragraphe und papierkram z tue hed.. und zwar dass s heck nachem entferne vom grusige plastik weniger wiit hine isch als d schalldämpfer chömed und dass das evt. nocher nüm erlaubt isch. mer weiss ja nie bi all dene vorschrifte wos gid bezüglich Nummereschildposition und fahrzüg im allg.


    das isch chli mini überlegig gsi. Evt. en konflikt mitem gsetz...


    usserdem hani ihre gar kei uskünft geh am aafang... oder gsehni wider mal öbis falsch? Ich han eifach frage gstellt zum mir es bild mache was ihres problem isch...


    aber ja in zuekunft underlohn ich das lieber, und versueche gar ned erst z helfe... han eifach gfunde wenn sie scho so komisches hochdütsch schribt wird sie warschinli nid grad sooo guet schwiizerdütsch rede und denn weisch halt nie was gnau gmeint isch schlussendlich. wie zb. Prüfbericht. Und ja lieber missverständnis vo vorneherein usmerze...


    Wenn du grad weisch was sie meint denn segs eifach, isch ja au guet (das hani au nie in frag gstellt), aber chum mich nid im nachhinein go zämeschisse willi probiere z hälfe...