Praktische A-Prüfung in Schaffisheim

    Sali zämme. Ich han nächscht Fritig mini Töffprüefig.
    Isch öpper chürzlich au z schaffisheim a de Prüefig xi?
    Gits det Sache wos bsunders druf lueged. Isch das richtig, das mer d Spurgass nöd mues fahre? (suscht müest ich no chli üebe) Wo sinder öpper dure gfahre? Falls öpper mit A-Billet nächscht wuche ziit und Liuuscht heti, ich suche no öpper, wo mir für e halb Stund oder so würd hinde druf hocke.
    Danke für euri Uskunft.

    xj900er-fahrer

    Also was ich so ghört ha esches verschede. Es paar händ s'Achti ned müesse fahre, es paar de Slalom ned. Weiss ned, vellecht chonds au of de Expert a, chasch also i demfall ned Schafisheim-spezifischi Tipps gäh. :winking_face:


    Aber eg wörd sowieso nomol die nöchscht Woche of de Parcour. Well velecht muesch au ade Prüefig eifach mol sehr langsam fahre, ond wend echli secherer besch xeht för de Expert onder Omstände chli souveräner us. Aber lodi ned lo verrockt mache, sosch gosch halt nomol, au wenns müehsam esch. Denn weisch halt wenigschtens was no muesch verbessere :grinning_squinting_face: ;). Hesch denn scho Fahrstonde gno...?


    Gruess
    Phil


    P.S. Ha leider nor es L hindedra, sösch wäri scho schnäll hindedruf.

    Einmal editiert, zuletzt von sneaky_Phil ()

    Also.... jep Tips för Schofisheim gäh esch ned ganz eifach.


    ABER.... En Parcour gehts ned.
    Meistens send jo 2 Lüt plus de Experte. Im AG lauft das so, dass du eifach mol losfahrsch.
    Wenn de Experte en guete Platz gfendt bim verbifahre... (Firma-Areal usw. klar wössed die natürli wos of de Strecki so Züg het) de fahrt er met eu eifach det use und lot eu es 8ti ond en Vollbrämsig mache (esch meistens so).
    Spurgas möchets meistens ned, da du jo bim fahre, sofern du "vorrausschauend" fahrsch, die ganz Ziit chli Spurgas fahrsch. Also druf luege, das wenn zB. ane Chreisel fahrsch das wörkli au sehr langsam dra zue fahrsch, ond wenn mögli emmer druf luege das bi so Situatione ned muesch abstoh.

    Genau e so wies DeepZone beschrebe het, esch bi mer abgloufe. Aber das esch no bi de 125er gsi ond ou scho baud 10 Johr seder. Klar, de Expert esch ou no met em Outo hengenoche gorket.


    Aber bimene Kolleg wo letscht Johr d'A-Prüefig gmacht het, bi ehm eschs ou no glich gsi. Er ond ig händ öisi Manöver ts'Honzeschwil henge am Möbel Märki müessi mache.


    Ond sösch, siehe DeepZone.

    danke für euri tips. öppe das han ich au scho ghört vo mim fahrlehrer. han eifach nomel welle frage. ich han näbed em grundkurs no 2 fahrstunde gah. do isch s achti ebe nanöd so gange. hans jetzt aber flissig güebet. ich han die wuche frei, und hoffe das wätter einigermasse passt, das ich no chli routene bechume für am fritig.

    xj900er-fahrer

    Zitat

    Original von ag-biker
    Sali zämme. Ich han nächscht Fritig mini Töffprüefig.
    Isch öpper chürzlich au z schaffisheim a de Prüefig xi?
    Gits det Sache wos bsunders druf lueged. Isch das richtig, das mer d Spurgass nöd mues fahre? (suscht müest ich no chli üebe) Wo sinder öpper dure gfahre? Falls öpper mit A-Billet nächscht wuche ziit und Liuuscht heti, ich suche no öpper, wo mir für e halb Stund oder so würd hinde druf hocke.
    Danke für euri Uskunft.


    ich han vor öppe 2,3 mönet d prüefig gmacht gha in schafisheim!


    han mösse 8ti fahre, spurgas ond vollbrämsig! slalom händs vo mer ned wölle gseh :)!


    also vo dem här dänki chas au guet sie dass du au spurgas muesch fahre ;)!

    Bang Bang Bang :rock: :rock: :rock:

    slalom mues mer doch gar ned im ag? in wettige hets nienet en platz zum slalom fahre

    Zitat

    Original von Hannes
    slalom mues mer doch gar ned im ag? in wettige hets nienet en platz zum slalom fahre


    genau... höchstens sie stelled tögeli uf aber das macheds nie....
    das wo zemli secher chont esch das of de rampi muesch afahre bim strosseverchehrsamt, sprech am hang afahre.

    ich mues uf schaffisheim. uf de rampe bin ich hüt no xi. s 8i fahre vollbräms und so gat au.
    i nöd ganz übersichtliche kurve wo mer 80 chönt fahre, bin ich villicht nur so mit 70 unterwäx.
    isch das ächt en grund zum duregheie?

    xj900er-fahrer

    umeschliiche sötsch ebä au ned... ich bin nach 2 jahr uf de rennstrecki di gross prüefig go mache und bin au zimli unsicher gsi wägem tempo... de expert het denn nur so gmeint er segi sich ned sicher öb ich immer so es "aständigs" (langsams) kurve-tempo fahre oder nur wäg ihm :grinning_squinting_face: het no recht diskussione geh, het welä blöd tue wäge dem... :confused_face:

    Zitat

    Original von ag-biker
    ich mues uf schaffisheim. uf de rampe bin ich hüt no xi. s 8i fahre vollbräms und so gat au.
    i nöd ganz übersichtliche kurve wo mer 80 chönt fahre, bin ich villicht nur so mit 70 unterwäx.
    isch das ächt en grund zum duregheie?


    has ned of wettige bezoge gha... au zschaffisheim müesstets tögeli ufstelle för de Slalom ond das macheds au dete nie.
    Das met de Gschwendigkeit esch so en Sach. Aber ech wör luege das of die 80 i de Korve chonsch.
    Bi mer dazumol esch de Tacho no 5 km/h hende dri gange....be dementsprechend emmer biz schneller gsi (als eh scho), ond wo de ander de de Experte hende obe gha het, het er i dem sogar gseid er müess schneller fahre. Also lieber 83 km/h ofem Tacho (de goht jo meistens sowieso vor) als 77km/h. Klar apasse a Gegäbeheite muesch di natürli scho...vorallem bim Rechtsvortritt!!

    fürs achti gönds z schaffise amix in e sitestrass zum d üebig mache hät min fahrlehrer gseit. zum bischpiel usgangs schafisheim richtig seon bi de ende 50er tafle links. ohni töggel. aber d stass isch realativ schmal.

    xj900er-fahrer

    ich söt sie au mal mache i nexter zit...aber mit mim töff (r6) isch de slalom so e sach für sich...het mir da öpper tipps? mein wenni en andere töff nim und sie wüssed dasi selber eine ha segeds bestimmt next ma chumsch mit dim...aso isch bim kolleg so gsi...

    ddffl