Mein Weg zum Töff

Sali Hoi,

da bi eus im Forum!

Ich han mal gmeint Töff drossle chömer erscht ab nem bestimmte Jahrgang.. Ich glaube din usgsuechte Töff mit Jahrgang 1995 isch ned drosselbar. Bin da aber ned ganz sicher und würd mich gern auch eines besseren belehre lah!
S Drossle an- und fürsich isch ned sonens Ding. D Chöschte chönd aber ziemlich variere will ned all Töff glich drossled werded.. Aber wenns Zahlbar isch isches sicher i eim Tag gmacht würdi mal säge. Also d Ziit spielt da en irrelevanti Rolle

Zudem würdi mal go Probesitze zerscht, will dä CB500 isch minere Meinig nach ungefähr glich höch wie d GS500 vo Suzuki und die isch verdammt nieder, für mich eigentlich z Tüüf und ich bin nur 180cm gross.
Und nimm wennen gahsch go aluege vorsichtshalber evtl öpper mit wo chlie druus chunnt bi Töff, git doch paar Sache womer sött aluege wennen ab Platz chaufsch.

Wenn en wotsch ilöse muesch sicher dä Fahrzeug Uswiis uf dich umeschriebe lah jo, und ich glaube wenn dä Töff so alt isch mueschen au frisch go Vorfüehre wenn das dä Vorbsitzer nanig gmacht hät!

Vollkasko würdi sicher ned mache bi dem Alter, er wird der ziemlich sicher scho mal Umgheie (guet wobi bi dinere Körpergrössi und dä Grössi / Gwicht vom Töff vielleicht au ned ) aber en Vollkasko lohnt sich eh ned.. Will dete häsch ja meischtens au na Selbschtbehalt vo 1000.- oder so.. Und wenn dä Töff mal en Beule bechunnt wägem umgheie, janu, also mir wärs ned Wert die z Repariere lah über d Versicherig

Das mitm Lernfahruswiis stimmt so und das mit dä Verkehrskunde glaub au neuerdings, frühner isches na andersch gsie, aber d Ziite änderet sich.. Da seit der sicher na öpper wo chlie Jünger isch wie das gnau lauft! Das mit dä Kürs stimmt au, wenn d Kürs abschlosse häsch verlängeret sich dä Lernfahruswiis namal um es Jahr.. Also ned abm Ziitpunkt vom Kurs sondern eifach namal um es ganzes Jahr!
Also säge mer din Lernfahruswiis isch vom 1. April bis am 1. August gültig und du machsch dini Kürs im Mai isch dä Lernfahruswiis den bis am 1. August 2013 gültig.

Ich glaube du häsch der alles ziemlich guet überleit und gseh eigentlich ned würklich Hindernis warum du ned zumindescht en verlängerte Lernfahruswiis sötsch ha bis id RS muesch :thumbup:

Nur das mit dem Töff würdi mer namal überlege.. Ebe insbesondere au wägem Drossle, aber au da weiss sicher eine na gnauer Bscheid, ich han eifach gmeint ich häg mal sowas ghört dases miitem Jahrgang z tue hät. Und ebe, unbedingt go Probesitze wäg dä grössi!

Viel Spass bim s Töfffahre entdecke!

gruess, Bandit

Noch eine Ergänzung bezüglich RS. Pass auf, dass du nicht in die UOS musst! Sonnst ist dein Lernfahrausweis und der Grundkurs für die Katz! (Also immer schön dumm drein schauen und mal eine Wochenendwache mehr in Kauf nehmen)
Oder aber du gehst zu den Verkehrssoldaten, dafür wird es aber wohl zu spät sein...

Wenn alles klappt bis nächsten Frühling solltest du dann einfach zeitig mit dem Motorradfahren beginnen, fleissig üben und dich um einiges (mind 5 Wochen) vor dem Ablaufdatum des Lernfahrausweises für die Prüfung anmelden, damit du evtl ein zweites Mal an die Prüfung kannst (kann dumm laufen). Gibt Leute die haben das sowas von verbockt

ah ja fast hät ichs vergessen

Herzlich Oli

ussert das was scho erwähnt worde isch mir nix ufgfalle was sich nid Reimt.
Klärs am beschde mit dem Mech ab wo sie möchtisch la Drossle de cha dir sege ob
Drosselbar oder nid.

Gruess Marc

Auch von mir noch ein herzlichstes
tolle Vorstellung
Bei Deiner Körpergrösse empfehle ich auch ein paar 'Probesitzungen' vor. Meine FJ z.B. war als Sport-Tourer geplant, mit meinen 1.80 ist der Knieschluss allerdings schon sehr eng und gerade noch erträglich. Bei längeren Ausfahrten muss ich dann und wann die Flossen strecken, sonst wird's unbequem. Die japanischen Testfahrer sind halt alle klein gewachsen......