Hallo zäme!
Han en frog: ech wett mer gärn es mofa chaufe. ha jetzt eis gfonde för 180.--,(cilo), aber s Gaskabel gohd ned. Esch das es guets agebot?
Ech wett jetzt vorallem wösse wie tür denn die Reparatur chämt. Ech bruche s töffli för nen gradi strecki. (Luzern-Root). Wenn mer öper es bessers Agebot hätt, wäri au ned abgneigt... 
Also, be uf üchi Helf agwese, ech ha nämli kei ahnig vo töfflis...
MERCI VELLMOL!!! 
do no mini mail adressi falls ehr die bruchid: patricia6@bluemail.ch
hoi
wenn'd gar kei ahnig hesch, denn nimm öpper mit, wo ahnig hed und zeig dem das töffli. will woher weisch, dass de göppel überhaupt lauft?
wenn 'd niemer finsch, wo sich uuskennt, denn gang mit em verchäufer und em töffli zumene mech wo du ussuechsch. dä sell denn säge, wie guet das töffli zwäg isch.
hani au scho gmacht mitere 750 gsx-r. es lohnt sich.
wägem gaskabu:
chunt haut drufa, wenn nur s gaskabu kaput isch, de isch das e büetz vo 10min viertu stung und chunt öpe uf zwe franke..
wenn abr am vergaser öpis kaput isch, odr am gasgriff, de choschtets meh und geit lenger..
duesch gschidr velo fahre und ufne töff spare;)
also patricia, da isch zimli schwer zum säge, wie scho erwähnt sötsch mindestens e probefahrt chöne mache demit, und ohni gaskabel, resp. grissenem kabel chasch da nid. chauf nid katz im sack. nimm öpper mit wo sich mit dem zügs uskennt. egal wie billig du zumene töffli chunsch, wens nachher nid chasch ilöse nützt der das teil nix! 
Also äbä diä herre spreched mir us dä Seel
Nei äs isch doch mit allem so, went was wotsch chaufä ob Auto, Töff oder Töffli muäsch huärrä vorsichtig sie. Und äbä wents nöd chasch probefahrä, wirds den scho langsam kritisch, ich mein du weisch das s'Gaskabel kaputt isch, aber suscht no alläs???
Wen das Töffli willsch, muäs wer mitneh wo drus chunt und suscht würd ich eis chaufä wo schomol sicher fahrt.
Das isch aifach min Tipp wo ich chan geh.
