Suche Informationen für praktische Führerprüfung

sali im forum

also i ha chli im internet umegsuecht aber han leider nüt rächts gfunde!

die meiste sache weisch jo secher nochli, achtisch die eifach zwenig druf!

oder susch muesch halt glich um gotteswille nomol die 80fr id finger neh füre fahrstund und nacher eifach sälber ade nase neh und guge fahreund emer sälber druf achte dases au rechtig machsch!

aso so hanich mini prüefig bestande

cu charlie

Jep ich würds au so machä deep. Ich han so au zweinä gholfä wo d'Prüäfig gmacht hend sind beidi durächo.
Went luscht häsch chasch au bi mir mol ä Fahrstund neh, choschtät dich aifach äs Coke.
Aber jo suscht nimmsch än Kolleg oder so.
Ich mein das mit dä Spigäl isch voll easy und rechtsvortritt etc. ä Frog vo dä Konzentration. s'einzig sind ihspuhrreglä, wiä: Söll ich im Veloweg ihspurä jo/Nei, au wens äs Lilächtsignal hät etc. ich fühlä mich do no zimlich sicher, also went was muäsch wüssä oder mol willsch go fahrä meld dich doch aifach.

machäd was ihr wönd. Uf jedäfall isch diä Prüäfig easy went wieder weisch wiäs goht.

naja, mitemne kolleg fahre.. weiss nid, dr fahrlehrer chadr haut scho vüu besser säge uf wasd muesch achte.. und 85franke.. naja, wennd nomou dürd prüefig flügsch choschtets ou..

ja, dasch jo öpe s gliche wie bim outofahre, dörte wärs jo ou am beschte wenn mit de öutere geisch die sache go üebe wod vom fahrlehrer glert hesch. abr dörte isches tödlech (ja guet, jein =) ) wenn dir d öutere när wei sache lehre, und die gfahr besteit haut ou wennd mitem kolleg geisch go fahre..

ja, das stimmt scho, isch scho nid so heiku wenn dise d prüefig ersch gmacht het, und das no presänt het, abr ebe, du seisches jo scho, privat bisch andersch gfahre aus im fahrschueu outo, und wennd geng angersch fahrsch, de vergissisch widr sache, und das si de när die wod am kolleg nid chasch mitgäh.

abr du hesch scho rächt, die gfahr besteit nonid so bi lüt wo ersch grad prüefig hei gha

Jo aber $nail jetzt säg mir mol, häsch du s'Gfühl du würdisch d'Prüäfig nümä bestoh hüt?????

Wen das nöd dä Fall isch, was ich jo hoffä, würdsch du dich a dä Prüäfig au chli zämärissä und nöd so fahrä wiäs uf dä Stross tuäsch oder? Also bewiest doch das, dass au du würdsch "andersch" fahrä i sonärä Situation. Klar isch än Kolleg kein Fahrlehrer, aber ich han nochäm Kurs kei einzigi Stund meh gnoh, scho bi minärä 1. Töffprüäfig und äs isch au gangä, will Praktisch chan dir än Fahrlehrer miner meinig noh, sowiso nur no Tipps geh und muäs dich nümä Korrigiärä. Und für Tipps sind mir 85.- z'vill. Obwohl äbä, mich gohts jo nüüt meh ah. :O

mou i würd scho no düre cho, abr so sache wied blick technik odr setigs..
luegsch du öpe no i rächt spiegu bim linksabbiege?
i ha die sache no presänt, wüui haut no öpe mitem vatr ungerwägsbi undi geng umne fahrlehrer umebi..
dr Fahrlehrer weiss abr ou uf was dass gluegt wird adr prüefig, dä seit dir was de experte bsungers wichtig isch. i weiss nid wie das bi öine fahrlehrer isch, abr bim vatr isches so dassr abe mit de kursteilnämer dört düre fahrt wosi ade prüefige aube ou düre göi, zumne chli d sache z zeige wome cha fähler mache. setigs cha e kolleg haut eifacht nid wüsse..

und bisch du mou mitemne kolleg ufne chrüzig gstange mit rächtsvortritt und hesch mou d outofahrer, bzw augemein d lüt aagluegt wo drüber gfahre si. und mou gluegt was wäri wennd mit 40 uf sone rächtsvortritt imne quartier los fahrsch und de es outo chunt vo rächts. und dasses haut de denne nid längt zum brämse.
isch ja nid nume d prüefigsvorbereitig, sondern isch ou es sensibilisiere uf so gfahre, wüu dr töfffahrer isch haut eifacht mou schwecher aus es outo odr e laschtwage..

Jo also ich han dich jo nöd wöllä ahgrifä oder so und ich findä dini Ihwend jo au korekt, aber...

1. Jep ich machä no rächt oft diä Blick bevor ich abbügä, will genau wiä du seisch, ischäs so, das dä Töfffahrer immer s'schwächäre Glied isch und als Töffler muäsch immer wüssä was hinder dir isch, än Roller z.b. überhollt dich innerorts gern mol, will das halt cool isch und dä gsehsch zersch nur im Rächtä Spiegel will sie rechts tendiäräd....

2. Ich denkä ich weiss scho nöd all tükänä das isch richtich, aber d'Prüäfigsstrecknänä in St. Gallä kenn ich glaub praktisch alli und ich weiss au wo das sie dich versuächät z'teschtä z.b. Herisau isch gaaaannnzz berüämt.

3. Das mit uf d'Chrüzig stoh, mach ich sowiso vill, aber nöd nur uf chrüzigä, Kreisel sind nämlich au äs interessants Thema, will än Töff i dä Windschutzschibä verstrebig vomänä Auto ohni Problem verschwindet.

4. Vo denä Lüüt wo mir do redäd, sind alläs sottig wo scho Töff gfahrä sind, was bedüted, dass sie bereits bimänä Fahrlehrer Unterricht gha hend und somit diä ganzä Sachä mit chrüzigä, Kreisel, Liächtsignal und Velostreifä usw.

5. Sensibilität, gib ich dir absolut recht, isch nunmol swichtigschte, als töffhetzer luägt mä nöd nur für sich, sondern für all andärä Trottel au. Aber dodäzuä chan ich nur sägä, jedä weissäs, jedä häts mol ghört und jedä chans a dä Prüäfig. Wers nocher no macht hät Grips und die andärä halt nöd.

Aber jo grundsätzlich bin ich jo au däfür, das mä nöd z'vill Fahrsicherheitskürs chan machä. Darum, wen mä diä 85.- halt will für än Fahrlehrer usgeh ischäs sicher kei schlechti Investition.

sorry, i ha jo gar nonid gantwortet!!

Was du seisch isch aues richtig! I hoffe ou, dass aui wo d Prüefig nonid au zu lang här isch (wobi, wiso nid ou die wo d Prüefig vor x-Johr hei gha.. ) no wüsse wieme söt fahre. Schliesslech hets jo irgendwelchi Gründ, dassme so söt fahre. Gründ wo d Sicherheit uf dr Stross beträfe.

No zum Punkt 1 bi dir:

Sorry, hami fausch usdrückt! Git ja die Blicktechnik, wägem i "fausch" Spiegu luege, i Spiegu luege wome wot Abbiege, und när no hingere luege.
I ha bi mir gmerkt, dassig hüffig nüme so fescht mit de Spiegle fahre und oft nur no due dr Chopf dräie.
Dasch eigentlech das gsi woni di ha wöue froge, öb du no jedesmou duesch die - "richtigi" - Blicktechnik aawände.

Das mit de Roller, das stimmt, binimer bis jeze gar no nie so bewusst gsi!! Mit mire Müli vomne Roller hani haut ou nie d Chance gha e Töff odr es Outo z überhole

Liebe Gruess a aui, und gniessit dr Schnee nochli, bi üs hets scho widr gäh überd Nacht, widr öpe 10cm

-> $nail