Uslandufenthalt

    Sali zäme!

    Vilicht weiss de eint oder ander da inne Bscheid! Ich han vor, en Uslandufenthalt in Kanada zwecks Sprachschuel zmache. Ich frög mich eifach, wie das i dere Ziit finanziell usgseht, da mer zu dere Ziit ja ned schaffet (emel ned ir Schwiiz). Zämespare isch bim jetzige Hungerlohn unmöglich.

    De Unfenthalt duuret ca. 4 Mönet (je nach Programm womer wählt). Wie ich geschter vonere freche Dame vom RAV erfahre han, stelled die d Leischtige vo de Arbeitslose um 100% i! Denn schnurreds immer devo, mer söll doch Wiiterbildige mache und wenns denn drumm gat, es Sprachdiplom oder au anders zmache isch mer giizig mit em Chole. S Problem isch nur das, dass ich e Wohnig zum zahle han. Alles andere chamer ja chünde oder istelle. D Wohnig jedoch wotti ned wäge es paar Mönet ufgeh. De Ufwand isch da vil zgross und de Lagerplatz für all das Mobiliar chasch au ned zahle. Abgseh devo hani kei Bock wider e Wohnig sueche, da isch sowas vo blödsinnig!

    Het eine vo eu schomal so öppis durezoge und hetti mir Tipps? Wär dankbar drum!

    Greez

    ähm :confused_face:

    ich gang jetzt mal devo us, dass du imne unkündete arbetsverhältniss stahsch...
    warum sött dir den s'RAV irgendwas zahle? Wenn du dich entscheidisch dini stell z chünde und für 4 mönet id "ferie" zgah (sprachufenthalt sind i mine auge ferie, da du au die meischte englischdiplom vor ort chasch mache) verstahn ich ned wiso das du en aspruch uf rav leistige stellsch.
    Es isch ja au dini entscheidig so lang weg zsii und i dere ziit chasch du dich au ned um e neui stell kümmere, was vorussetzig isch, leischtige vom rav z'becho.

    d'wohnig während 4 mönet unbenutzt z'bhalte, würd ich mer sowiso grad as bei striiche. das sind ja mindestens wiiteri 4mille wo der den fehled. miiner meinig gitz da 2 möglichkeite.
    wohnig ufgeh und nach rückkehr öppis neus sueche.
    d'wohnig versueche under z vermiete (falls öpperd findsch für genau die 4 mönet.

    gruss

    Bremsen ist die Umwandlung hochwertiger Geschwindigkeit in sinnlose Wärme. :pinch:

    Senke mol töff und autonummer über die ziit abgeh. Stüür und Versicherig spare. Weg de wohnig da isch nid so eifach went sus scho die finanzielle mittel nid uf de siite hesch' aber frog doch mol ide bekanntschaft und verwandschaft obs dir nid kli könnd ushelfe i dene 4 monet wot weg bisch, anders goz leider nid. Bankkredit isch kei gueti idee. Und da om RAV kasch sus afechte. Musch dir mol e berotig ihole weg dere entscheidig vom RAV. Wo weissi leider au nid gad. Aber s'Tagggeld könnts dir so nid afach striiche.

    Kawasaki, what else! :smiling_face_with_horns:

    Also das mitem RAV chasch grad vergesse! Wiso sött Dir de Staat Geld gäh wenn ja selber entscheidisch mitem Job ufzhöre und is Usland gah?? Du musch dini Bemüehige ume Arbetsstell immer schön naawiise susch gits gar nüt vom RAV. Rede da us persönlicher Erfahrig.

    Mit de Wohnig gsehn ich au nur grad die zwei Möglichkeite wo de Maini scho gseit hät.

    Gruess Tobi

    @ maini

    Nei es lauft uf das use, dases zumene kündete Verhältnis chunnt, da ich mit de Arbeitsbedingige wie Arbeitsziite, Pikett, Lohn ect. ned klar chume. En Sprachufenthalt isch sicher kei Ferie, scho gar ned wenn ich vor Ort i de Freiziit anere Arbeit nagahne. Die Schuele ir Schwiiz chasch rauche, rein scho vom finanzielle her, das isch vil tüürer. Vo de Qualität und em Lerneffekt redemer mal scho gar ned. Das het mer sogar die vom RAV bestätiget. Tummerwiis wird de Lohn wo ich dete wür verdiene nie lange zum die Wohnig zfinanziere. Spare chani mit dem Hungerlöhnli au nüt.

    Ich bruuche de Ufenthalt, zum deneue Aforderige uf min Lehrbruef zgrecht cho. Ich schaffe sit 16i ununterbroche, schlah mich aber nume mit undankbare Jobs ume wo au ned mine Interesse grecht chömed. De Studis zahlt mer schliesslich au d Schuel und es git gnueg Dame und Herre wo eifach zfuul sind zum go schaffe und sich vom Staat bis a ihres Lebesend durefüettere lönd. Abgseh han ich mal i somene RAV Kurs ghört, das so Vorhabe unterstützt werded.

    Das mit em Untervermiete isch e gueti Idee, wirde das mal aluege.

    @ Amy

    Das isch e gueti Idee, alles abstelle wos ned bruucht.

    @spirit

    Ich entscheide das sicher ned selber, isch e Entscheidig vo de Firma.


    Greez

    Was für es Level wettsch dänn mache?

    D Frag isch, ob überhaupt wettschä Sprachschuel mache. Die sind nämli schweineteuer. Ich känn au viel Lüüt, wo das gmacht händ und gseit, dases nöd viel bracht händ wills entweder nur am Party mache gsi sind oders eifach so viel Schwiizer/Düütschi detä gha hät, dass eh nid Englisch/Franzsöisch/whatever gredt händ (oder am beschte grad beides :P).

    Ich bin sowiso de Meinig, wie viel Sprachlehrer, das ä Sprach am beste lehrsch wänn detä bisch und "normal" läbsch. Dänn bruchsch d Sprach nämli am meischte, ergo lehrsch si am beschtä. Drum so als Idee: Wiso nöd work and travel oder ähnlichs? Denn verdiensch detä zwar nöd viel, aber zahlsch au nöd viel. Dänn müsstisch di nurna um das dihei kümmere.

    Ich han no links zu so Sache, wenn intressiert bisch suech der die susch no....

    Edit: Wenn detä läbsch und nid innere Sprachschuel bisch lehrsch au d Kultur und d Lüüt besser känne, das isch au sehr wertvoll....mal ganz abgseh vo de Sprach.

    :hexe: Women are angels, and when somebody breaks our wings... we simply continue to fly....on a broomstick. We're flexible like that :grinning_squinting_face:

    Zitat von fist Alpha

    @spirit

    Ich entscheide das sicher ned selber, isch e Entscheidig vo de Firma.

    Denn gseht die Sach chli andersch us. So wie du vorher gschriebe häsch han ich eher denkt du kündisch ufgrund vo dem dass en Sprachufenthalt wetsch mache. Aber wenn dich d Firma userüehrt isches natürli öppis anders.

    Wegem Sprachufenthalt: Ich han au mal 6 Mönet in England glebt. Wenn so öppis mache wetsch luegsch am beste dass inere Sprachschuel bisch wo chli gross isch. D chance dass denn viel lüt vo andere Natione häsch isch sehr gross. Ich han so sehr viel Spanier und Japaner etc. gha, das isch no guet da die bekanntlich kei Dütsch redet. Falls trotzdem ein Schwiizer oder Dütsche ide Gruppe hät musch sowiso Englisch rede damit dich die andere au verstönd. Ich han binere Gastfamilie glebt, was natürli super isch. Lernsch d Sprach nur scho "dihei" und am Weekend chasch au mal mit dene en Usflug mache wo nöd so Touriste bekannt isch.

    Ich wür empfehle zersch mal unabhängig vonere Sprachschuel det z'lebe und die letschte 6 Wuche oder so en Intensiv-Kurs bsueche miteme Diplomabschluss. Denn häsch alles kombiniert. :thumbup:

    Gruess

    Alpha

    Also d'firma wird dir chünde oder hett der scho kündet....
    Han ich das richtig interpretiert, das du nachene wider e lehr würdsch mache und für die lehr das englisch bruchsch?
    das währ natürlich ganz e anderi usgangslag, den chönnti mer vorstelle das dich de staat unterstützt. Aber en uslandufenthalt???

    was s'meitschi und de bibi gseit hend, würdi au sehr acht druff geh. han au es paar kollege wo uf australie gange sind zum englisch lerne. wos retour cho sind hends sicher was glernt, aber sehr sehr wenig für 6 monat. isch det natürlich gnau so gsi das es viel dütschi und schwiizer gha hett, viel party etc.
    ich würd halt evt au en ned so populäre ort ussueche wo ned grad so die mainstream-sprachufenthalter anegönd :winking_face:
    und natürlich inere gastfamilie wohne. bechunnsch viel meh mit über als 24/7 mit anderne schüeler imne wohnheim z'sii.

    Bremsen ist die Umwandlung hochwertiger Geschwindigkeit in sinnlose Wärme. :pinch:

    Also es isch eso:

    Ich künde ned selber, genau. Nachane möcht ich mer Ziit neh für en Ufenthalt in Kanada. Das isch es speziells Program wo vonere schwiizer Agentur abote wird. Es git verschideni Program. Eis wär zum Bispil, das mer zerscht d Hälfti vor veribarte Ufenthaltsziit e Schuel bsuecht, womer nachane au es Zertifikat bechunnt und aschlüssend zumene Job vermittlet wird. Vo dete a chamer entweder binere Gastfamilie wohne oder e eignigi Wohnig miete. Die Methode schiint mir am sinnvollste, da mer au nach de Schuel Kontakt mit de Iheimische und dere Kultur hed. Ich han au eher Interesse a ländliche Gebiet agmeldet. Es söll ja ned zu Ferie mit SChwiizer werde sondern e Wiiterbildig.

    S andere wäri sones Work & Travel Program. Da finanziert mer sich eifach de Lebesunterhalt in dem mer irgendwo ushilft wie ere Ranch oder so. Ich möcht natüri au s Land selber kennelerne, d Lüüt wo dete sind ect.Ich verstiif mich ned uf d Schwiiz.

    greez