Han mal welle fröge öb das sinvoll isch jewils ein so än sturzprotektor uf d'sitä annezmeche. beidi sitä choschtet irgendwie 150 stutz, macht so äs Teil Sinn? bringts öbbis wemmer stürzt oder dä töff ummgheit? het irgendeine connections wommer die teils billiger bechunnt?
und chömed mir jez nid mit ussage "muesch eifach nid ummgheiä" 
also wenn da irgend eine erfahrigswert oder ä meinig hetti wäri no froh 
die teils sind nöd schwierig zum anemache oder? bin handwerklich chli ungschickt 
Ne, bin schnell xii. Eifach mitem Dremel uf de Linke siite en schlitz i d'Verchleidig fräse und guet isch. Wänn en Drehmomentschlüssel häsch isch au guet, chasch d'Schrube nachher wider mit 55Nm azieh, susch eifach so fescht wie's gaat 
Und susch meldsch di mal per Mail oder ICQ, dänn chömmer wiiterluege...
checksch ma d yellowpoint ab! die chennt der alles bstelle und so! sie macheds der au gad ane, sind eifach so fiber teils wo dur e halterig an rahme befestigt wird! well ich denke wenns ad verschaalig machsch , denn verchratzt si villecht ned aber breche dut sie geeeenau glich! ok villecht tüüschi mich au.. ich kenn ja din töff ned...
d nachbar vomene kolleg het das bi sinere 04er R1 mache lah und es lohnt sich scho wennde denksch wie schnell das de bode küssisch vorallem wennde chli sportlech fahrsch!
Auso ig findä so sturzpads no wichtig. vorallem grad bi strässeler wo so viu plastikverschallig hei. kasch unterumständä schnell chli geldsparä wenn statt alles numä d hälfti bast geit. da dünks mi si 150 fr. wärt oder?
ig ha iz bi mirä o grad äs paar dr gmechet. isch no easy gsi.
lueged eifach gnau, wo dass die tankpads a gmacht wärded. zo mim töff hed mol es paar gä wo am motorblock a gmacht wärded. etz chönd er öich vorstelle we scheisse das cha cho, wenn de töff öber de bode gleitet ond a de pads ahänkt. de werd de d rep verdammt trür...
ZitatOriginal von Peak
lueged eifach gnau, wo dass die tankpads a gmacht wärded. zo mim töff hed mol es paar gä wo am motorblock a gmacht wärded. etz chönd er öich vorstelle we scheisse das cha cho, wenn de töff öber de bode gleitet ond a de pads ahänkt. de werd de d rep verdammt trür...
stimmt genau. wenn d sturzpads ahänket, denn wirds sehr sehr übel. cha der au de rahme ruiniere. isch 50/50, ob s billiger oder tüürer wird. uf de rännstecki machts sicher sinn.
@Dark_Force: 55Nm und "so fescht wies gaht" isch en riseunderschied! wenn d schrube am rahme oder motorblock isch, denn uf jede fall mit drehmomäntschlüssel ussert hesch schruubererfahrig. aber voll azieh isch sicher ned d lösig.
Also jo uf dä Rennstrecki machts au nur bedingt Sinn, än Kolleg vo mir isch au abgflogä und sobald dä Töff im Kies landät, nützäd diä Dinger nümä dä Huffä.
