Auto Boxen...

    Salü mitenand,
    Han mol e frog..über Boxe fürs Auto...Was isch do wichtiger..das dAlag meh watt hät oder dBoxe?? Mir hät mol eine gseit segi wichtig das dAlag meh Watt hät als dBoxe..isch für mich aber unlogisch..han jetzt e Alag wo 4*40 Watt schafft...und Boxe wo 170 Watt mached..jetzt häts mer aber scho ei Box butzt..was isch do sprob gsi?? Weiss eine uf was das es do achunnt...??

    The World is yours...

    Auso das hani o shco ghört das dr verstärker meh watt söt ha als d boxä. aber so würckläch drus chumi nid so:-)

    gang doch eifach mau ganz unverbindläch bim nä händler verbi dä cha dir das sicher erklärä

    e ahlag cha doch garnöd meh watt ha als boxe... die händ meischtens so 4x35 - 55 Watt oder so...


    Und ebe (gueti) Boxe händ dänn ab 100 Watt ufwärts...


    De Verstärker sött aber sicher meh Watt ha als Boxe...


    Und suscht, wie de Tom seit, en Händler cha der da sicher besser hälfe...

    <center>Wenn eine Frau fünf Minuten nichts sagt, ist es an der Zeit Wiederbelebungsmassnahmen zu ergreifen.

    wenn du mit Standart Radiöli wo e integrierti Endstufe hend wo e Musikleistig vo 4x40W bringt muesch der über sottig sache kei gedanke mache. :grinning_squinting_face:


    es isch richtig, dass d'alag meh Leistig sött bringe als d'boxe schlussendli verträged, das het mehreri gründ. zum eine (ver) brucht en lutsprächer e gwüssi leistig nur scho zum d'membrane richtig is schwinge chönne z'bringe, und zum andere hesch du automatisch leistigsverlust dur kabel und d'wärmi wo die ganze spuelene verursached. den muesch du e gwüssi leistigsreserve (kondenser i de verstärker) ha zum churzfristig "knackigi" tön chönne z'erzüge, das chasch nid wen dini endstufe eh scho am limit lauft. ....


    ich rede da aber vo alage wo sichs drüber lohnt berechnige azstelle, dh. du nimmsch mal 10k id hand und luegsch öb mer damit öppis anebringt wo chli tönt :grinning_squinting_face:


    den gits no sehr viel verschiedeni agabe vo dene Watt, will heisse Musikleistig und RMS Leistig, oder die schöne JapserWatt sind total anderi paar schueh, mitemene gschiide verstärcher wo säged mer 10W RMS a 4Ohm bringt chasch du ohni umeluege Lutsprächer wo mit 250W Musikleistig agschribe sind verrisse. Qualität gaht über quantität, und wer scho mal bi REAL 10W Musig glosed het, de weiss das :winking_face:

    rally lugano: "du... wo sind mer da? - scheissegal, gib gaaaas!!!!!!!!"

    2 Mal editiert, zuletzt von V|RuS ()

    Da gib ich am Virus rächt, Sound i de Autos isch e Wissenschaft für sich.. ich muess zuegeh, ich han scho sehr viel geld i söttige Aalage investiert, dass eim schlecht werde chan... und die bescht und qualitativ a lüüteschte Audio-Aalag im Auto isch bi wiitem nöd diejenig gsi wo ich am meischte zahlt han.. oder besser nödemal d'hälfti chostet han... dezue zählet, gueti Boxe.. d'Art vo de Verbauig... de Standort vo de Boxe... natürlich hät au d'Form vom Inneruum vom Auto au en Iifluss uf d'Akustik.. usw. Was ebefalls richtig behauptet worde isch.. d'Aagab vo Leistig chan nöd immer 1:1 übernoh werde.. RMS Leistig oder au "Sinus-Leistung" isch debii massgebend... :face_with_rolling_eyes:

    _______________________________________


    :diablo: The hell was full - so I came back !!!! :diablo:

    Mir hend e Alag mit 1400 Watt, mir hend 2 Verstärcher vo zemme 1400 Watt bringed! Klappt super, und au super Ton, GEILE BASS :ugly::grinning_squinting_face:


    Also de Cousin hets ihbaut , sini Ahlag het no meh Watt aber de Verstärcher isch stärcher als Boxewattzahl.


    Hoff dasi han chöne helfe

    viellicht hend dini hochtöner ds luutä losä nüd vertreid, deht verdliids nähmlich mängisch nüd äso viel.

    Grün muss sie sein!