Verkehrssoldat Monte Ceneri 27.10.2014

    Sali zämme bin us dr region basel 21jhr alt und fange jetzt den mini RS im Monet Ceneri als Verkehrssoldat ahhhh:-)))
    han allgemeini froge uf d RS im Monte Ceneri als Verkehrssoldat (Durchdiener)?? WETTER TIPPS UND TRICKS ETC.
    und sueche natürli au glichgsinnti wo denn afönd odr es scho hinter sich henddas i uf züri und vo döt mitem zug richtig chiasso söll abr den weiss i nid recht wo hii es stoht das en shuttlebus uns abholt abr nid a wellem bhf??cha mr eöpper helfe pls
    s andere isch dasi nit recht weiss wie döt ane cho ufem marschbefehl stoht zwar
    en liebeeee gruesss us dr region basel
    :thumbsup: :thumbsup:

    Einmal editiert, zuletzt von 2117 ()

    Hallo noch-nicht-einmal-Rekrut. Bitte nächst mal e chli vernünftigi Schrift verwende, das chame ja chum läse. Verkehrssoldat isch ganz okay, i de RS wirsch hüfig zum Töff fahre cho. Als Durchdiener denn spöter je nach dem wod ane chunsch so guet wie nüme, chasch aber au Glück ha. Mini Erfahrig isch gsi (als Motf), dass d Töfflibuebe im DD meistens Puch gfahre sind. Aber au de isch super, mer mues en nur mal is richtig schwere Gländ usfahre. :grinning_squinting_face:


    Gege s Wetter bechunsch Chleider vo de Armee und wennd würsch de Marschbefehl richtig läse, würsch sicher au usefinde wo du anemuesch. Monte Ceneri isch en chline Hügel im Tessin und d Kaserne isch nebe enere Hauptstrass, es het es paar Tankstelle und viel Wald rundume.

    READY
    TO>>
    ALUKÖFFERLI

    Wünscha jetzt schu mol viel Spass bim 5km-Marsch am Fritigobig ir erschta Wucha. Isch eigentli an gmüatlicha Spaziargang, aber wenn dini Kampfstiefel noni igloffa hesch, schissts di spötischtens denn zimli ah. :grinning_squinting_face:


    Dr Bahnhof wo dr Shuttle-Bus eu abholt isch Rivera. Das isch dia nöchscht Ortschaft zur Kaserna.

    OMG was het dini Mueter nur bis do ane mit dir gmacht, dass du mit 21i no so unselbständig bisch. S git z Bärn es Büro "Personelles der Armee" Tel. 031 324 24 24. Und susch wählsch 031 324 32 44, das isch d Armeeseelsorg. Oder http://www.143.ch

    Viele dank fürd info lüüt
    Und next mol liebe herr mini muetter usem spiel loh au wenns kee beleidigung gsi ish das ghört eif nid do ahne
    Söttsh jo alt gnueg sii zums wüsse
    :thumbdown:

    Denne hosli söttisch nüd so quatsch froge... Isch es töffforum, wie das unschwer erkenne chasch.... :sleeping:

    Hat die Blume einen Knick, dann war der Schmetterling wohl zu dick.

    S'passendere Forum esch wohl das do: http://www.armee-forum.ch
    Det helftmer der secher gärn wieter ond velli nötzlechi Infos för dini erschte Täg in Grüen fendsch au. :winking_face:


    Falls mini Erläbnis vo de damalige RS nocheläse wetsch, ech han vor es paar Johr mol agfange det "Gschechtli" us dere Zit z'schriebe. :grinning_squinting_face:

    Zitat von 2117

    Söttsh jo alt gnueg sii zums wüsse


    Chunt so en Hosepfludi, no nid mal troch hinde de Ohre und wott mi Astand lehre. S wird immer besser... De Platz 1 für unnötigi Sprüch hani bekantlich scho, det chani mi halt leider nümm verbessere :face_with_tongue:


    greywolf: :thumbup:

    Ach, jetzt hend doch mol chlie Verständnis för de armi Rekrut. :grinning_squinting_face:


    2117
    Esch ganz eifach: A dem Tag wo du irocksch, werds hufe anderi Jungs ond evt. au es paar Mädels ha wo metere Täsche schüch am Bahnhof stönd. Met dene chonsch schnell is Gspröch ond denn heisst eifach de ziellos umherirrende Herde folge. Irgendwenn landet ehr be es paar Schreihäls in Uniform wo sech för euche Empfang rechtig usepotzt hend. Erkennigsmerkmol Nr.1: Sie hend au be -20°C no d'Ärmel dobe.
    Falls am falsche Ort glandet besch, werdmer der das imene dermasse lute ond hässige Ton säge, dass am liebschte grad weder hei wetsch. Bevor aber dezue chonsch de Gedanke omz'setze, wersch vo ergenöperem met TAZ zum rechtige Ort gfüehrt. Wenn allerdengs chrützverchehrt besch, denn darfsch sogar en Nacht det schlofe zom am nögschte Tag allei zum richtige Ort z'fahre. Det hesch denn scho mol verlore ond wersch s'ganze Johr dejenig bliebe wo ned emol die rechtig Kasärne fendet.


    Du gsehsch, alles halb so schlemm! Ergendwenn landisch scho det wo sie dech ha wänd. :grinning_squinting_face:


    Ah jo, das metem ziellos umherirre werd au in Uniform währedem ganze Johr so bliebe. :thumbsup:


    PS: Ond ned vergässe, nemms met Humor. d'Armee esch en uh loschtige Verein met vele loschtige Lüt! :winking_face:

    Zitat von Matz

    PS: Ond ned vergässe, nemms met Humor. d'Armee esch en uh loschtige Verein met vele loschtige Lüt! :winking_face:

    Und mindestens genau so vielne Dummbratze - aber da mues mer halt drüber stah.


    P.S. Du bisch au Gfr? :smiling_face_with_sunglasses::grinning_squinting_face:

    READY
    TO>>
    ALUKÖFFERLI

    Zitat von AmmuNation

    P.S. Du bisch au Gfr? :smiling_face_with_sunglasses::grinning_squinting_face:


    Hanen abglehnt ond sie hends im DB vor mine Auge ustipexlet noch dem ech im Kadi alli Schempf ond Schand gseid han wie verschisse organisiert de WK esch ond daser sech de Gfreiti in A... schiebe chan. :grinning_squinting_face:


    Aber bis uf Bärn esch die Info ned cho. Han emmer Poscht met "Gfr" becho. :neutral_face:

    Freu mich sho voll ufd RS und vorallem ufd 1000priefig Matz bish en geile siech!!
    Ich bin im armeeforum ahgmeldet abr de forum ish so inaktiv wie de pe.....s vo dem alte sack wo kei ahstand het! :welcome:
    Jedefalls cools forum do vorallem wird au rash gantwortet
    Danke no lüüüt en gruezz us basel

    Zitat von Matz


    2117
    Erkennigsmerkmol Nr.1: Sie hend au be -20°C no d'Ärmel dobe.


    PS: Ond ned vergässe, nemms met Humor. d'Armee esch en uh loschtige Verein met vele loschtige Lüt! :winking_face:


    Und de Figger-Mutz ned z vergässe, wo met viel Liebe, Zit und no meh Hoorspray in Form brocht worde esch :D. Ou mann, zum Glück hani us dem Verein au scho uscheckt. Ha emmer en gueti Truppe und viel Spass gha, aber es het ächt so dermasse viel Träne ume gha teilwies, ohje...


    Zitat von 2117


    Ich bin im armeeforum ahgmeldet abr de forum ish so inaktiv wie de pe.....s vo dem alte sack wo kei ahstand het!


    Weiss ned öbs do dra lieht, dass i scho ziemli kaputt vom Training und am Töff umeschrube be, aber be dem Vergliech hets mi grad schnell verputzt :grinning_squinting_face: