Cha da nöd verstoh dass mer Velo- und Töfflifahrer nöd rechts überholä loht.. Mit em Velo-/Töffli dörfsch wenigschtens no z. B. bi lange, stehende Autoschlange bim Liechtsignal rechts verbii. Es git denn halt immer no so Spezialischte vo Autofahrer, wo ganz rechts ad Stross anefahred, dass au joo jedä Velofahrer mues in Dreck go uswiichä.
Wenni Auto fahr und inere lange Kollone stoh, fahri id Mitti - So chönd rechts no Velofahrer verbii (wer wött denn scho zmitscht inere stinkende Abgas-Kollone stoh?) und links Roller/Töff.
Ä Ufhebig vom Rechtsüberholverbot uf dä Autobahn wöri guet findä. I anderä Länder funktionierts au. D Lüüt müend sich denn halt draa gwöhnä, dass si halt vilicht au mol dä Grind sölled dreihe und hindere luege - Ganz abgseh vom Blinker, wo vo dä meischte Lüüt uf dä AB immer nonig brucht wird. Isch doch hüt normal, dass mer vo eim überholt wird und dä denn afoch wieder langsam noch rechts ineschwenkt - I find da ä Sauerei.
Mini Autobahn-Hasslischtä Top 3:
1. Lüüt wo eim z nöch am Arsch klebed (ä James-Bond-Auto mit usfahrbare Minewörfer wär do amigs supper)
2. Spurwechsler ohni Blinker, vor allem im Fiirobigverkehr
3. Überholer, wo ca. 3m vor em eigene Auto wieder i mini Fahrbahn ineschwenked, vorzugswiis no wenns rägnät = wäg dä Gischt gsehsch afoch NIX meh