ich brüchti euri Meinige zu dem Fall da:
[Blockierte Grafik: http://img277.echo.cx/img277/3152/im0002211bz.th.jpg]
unde fehled 10x10mm ghüs 
das Armeseelelichtli vumene Mech meint, da chame mit eme Zweikomponäntechit zue mache.(e Zünddeckel chunt schono druf) Und e Versicherigsheini meint 300.- Wertminderig seged guet 
Ich befürchte nach zwei Meter isch die ganzi sach scho wider offe, da das ganzi am Motoreghüs isch.
gebastel vumene Fuessgänger oder zwäckmässigi "Reperatur"?
najo wenners richtig macht chönnt`s scho hebe,
aber da du ned schuld bisch würis ned uf der hocke lah !
Ech gseh da glich wie de ravi... wenn öper ander för da schold esch, muess de au luege dass rechtig gfleckt werd... ond ned nor chli bastlet... ech glaub wär biz heickel zom chiiitte
us was für material isch s'ghüüs?
hmm. alugoss. das chönt mer denn doch au schweisse. oder? s problem esch worschindelch, dass öper gfensch wo das schweisse chan.
aber anyway. wenn du ned schold besch, denn setzt hemmel ond höll e bewegig, dass die der do es nöis ghüs zahled. die müend. 
es isch e so... uf dere siite hets ja kei motorenoel wo mer müesst abdichte, drum denki meint de versicherigsheini, dass mer das flicke chan. säg dene heinis aber, dass det die halb zündig drin sitzt, wenn das zügs im wasser badet, den fahrsch kein meter meh! ich wür dem versicherigsheini mal alüte und dem das verzelle... wil folgeschäde nachher go usbessere... den hesch den en fluech mit de versicherig das die dir das glaubed und zahled...
dä virsu hets gseit!!! würd au druf bestah, das du es neuis g'hüs überchunsch. denn guss schweissä, das chan nöd lang heb. scho wägä dä vibrtationä....
wenns ned din fehler isch, definitiv neus ghüs. scho elei wills ned hebe wird mit schweisse/chläbe. und wenn de bock mal wotsch verchaufe, denn muesch wäg so öppisem meh als 300 stutz abe mit em priis. hesch rächtsschutz? wenn ja, sofort ischalte.
das find ich doch mal e gueti entscheidig 
sehr sehr sehr guet! 
