Hoi zäme
Ich känne das Forum da scho es paar Wuche, han mi aber no nie aagmäldet. Aber jetzt bi dem Wätter het mer ja eh nix bessers ztue .
Ich fahre e 2003er GSX-R 600, leider bis uf Stahlflexleitige ohni Modifizierig (tja, das liebe Geld...).
Min Fahrstil isch... hmmm... sägemer emal "vernünftig", will aber nöd heisse das ich inere Gruppe immer de Brämschlotz wär. Aber das gsehmer ja denn sicher mal ufere Uusfahrt.
Wohne tuen ich im Limmattal a de Gränze zum Aargau. Isch zwar ned grad e Hammer Töffregion, aber bekanntlich isch ja de Wäg s Ziil.
Was gits schusch no z säge? Fröged eifach, wenner no öppis wüsse wend.
Ich hoffe uf cooli Uusfahrte und netti Diskussione mit eu.
Greetz Boo