SR 50 R Beschleunigung

    Hoi mitenand!


    Bi minem aprilia sr50r Johr 2007 isch d Beschleunigung nid gad hervorragend.
    Im Gegesatz zu mina Kollege bini immer de Langsämst, wora cha da ligge? (Aerox, SX50,Yamaha Slider, Peugeot)


    Usserdem isch de Sound zimli luut/ätzend und d Gasannahme chli verzögeret.
    s schnellscht woni gfahre bin isch 78kmh, jedoch chunter zur ziit nur selte über 70kmh bi freier Fahrbahn und normale Verhältnis...


    Und weni de Berg duruf fahr schafters nid über 30kmh, mini Kollege hend mi aber locker überholt & i bin au scho mitme andere Roller einem hinedruf ghockt & sind di glich stross mit über 40kmh ufa gfahra..da cha doch nid si?


    Hend ihr mir echt paar Lösigsvorschläg/Gründ?


    I werd in de nächste Täg mol bim Händler wonen kauft han vorbii goh.


    Wär echt super!


    Gruess Marco

    sali


    häsch Öl dine?^^


    Bim kolleg isch ziemle genau sgliche zenario gsi und uf eimol: zack...^^


    Die huere Roller sind ebe mengisch scho en scheiss. Vorallem wennd e occasion chaufsch, wo voher no bastlet worde isch und weis dä tüfel wa gmacht, damit dä nur e bits schneller lauft. Wenn kei besseri Antwort bechunnsch, wöri mol sicher zum Mech/Händler.


    Gruess

    Be faster!

    Danke für d Antwort!


    Jo s Öl hani vor 2 Wucha ufgfüllt, seb sött nid s Problem sii..


    i hanen im April kauft, Occasion mit 14000km druf.


    han mi für en roller entschieda wills für de alltag langet & ich find en 50ccm cross/rennmaschina bringts nid..


    chönt mr vorstelle dass de händler halt seit jo da isch so de fahrt nid schneller, seb wär blöd will bewiese chanism jo nid guat.


    danke!

    Zitat

    Original von apriliasr50r


    i hanen im April kauft, Occasion mit 14000km druf.


    Also bi minere Derbi isch damals bi 16'000km schluss mit em Motor gsi, da het nurno en neue ghulfe gha...


    Und en 50ccm Cross bringts definitiv :grinning_face_with_smiling_eyes: Zumal wenn vor hesch mit 18i uf en richtige Töff umzstiige, lernsch bi de Coross/Renner bereits Kupplig/Gas spili und s'schalte hesch denn au scho druff.

    guat seb stimmt..


    naja, wennd mitm azug go schaffe gosch isch halt n roller scho praktischer.. :grinning_squinting_face:


    hm mini kollege hend zwor au meh KM druf wia ich..


    no e Ergänzig:
    Bim ischalte bruchter amel 3-4 versüech bisr mol aspringt was au chli nervt uf duur..


    wüssendr sus nünt wa me chönt ändera?


    i lad spöter no paar fotis ufa wo i denk chönt no en zemehang ha..

    Batterie isch guet? Stromzuefluss isch au guet?


    Verzögerets starte het minere erfahrig na fascht immer mit de Spannig ztue. Würd mer mal en Spannigsmesser bsorge und mal chli umeforsche ob au überall das achunnt, was acho sött.


    Isch en SR50R en Isprützer oder Vergaser? Chönnt ja au damit zäme hänge dass de mocke z'wenig Spritt bechunnt resp. s'gmisch nöd stimmt - das chönnt au e ursach si für's langsami berguffahre.

    erst mol danke für d Antworta!


    de sr50r isch n Vergaser (im gegesatz zum sr50r factory, deseb isch en Isprützer)


    da ischmr bi minem uspuff ufgfalle, gseht us wie e chini Verlängerig ?? und es het n Riss dinna wo geg inne bückt isch. het das öpis z bedüta?
    [Blockierte Grafik: http://img691.imageshack.us/img691/9946/dsc00002dam.jpg]


    usserdem hani hüt gseh dass die zwei wissa Stecker nüm zema sind:
    [Blockierte Grafik: http://img84.imageshack.us/img84/9780/dsc00004vt.jpg]


    i hoff da bringt eu villicht witer..


    über de status vur batterie/stromzuefluss weissi leider nid bscheid..
    danke für euri hilf!

    Das chlini endröhrli da het überhaupt ke uswirkig - En Riss im Krümmer chönnt aber au für Leischtigsverluscht sorge. (ich gang eifach mal devo us das en Roller au en krümmer het - han mi selber ebe nie für roller interessiert ^^)


    Die Stecker hesch hoffentlich mal zämegsteckt?


    Vergaser: Gang zu dim mech, de söll luege ob d'bedüsig richtig isch. S'richtigi Verhältnis vo Öl/Wasser/Benz isch enorm wichtig - sowohl für de Motor wie au für din verbruuch und dini leischtig.

    hm jo de stecker hani zemegsteckt, ez heter e reibungslosi beschleuigung ohni stottere, was vorher nid de fall gsi isch.


    also meinsch du de riss wo me ufm bild gseht ganz am schluss?
    denn segi am mech mol er söll luege dass de riss verschwindet.
    & da wegm verhältnis vu öl/wasser/benzin werdi ihm au sega..
    danke viel mol!
    gruess

    Zitat

    Original von apriliasr50r
    also meinsch du de riss wo me ufm bild gseht ganz am schluss?
    denn segi am mech mol er söll luege dass de riss verschwindet.



    Nachem "Topf" hesch doch derte das mini Stückli wo nach abe gaht. de chlini riss derte macht überhaupt nüt us.

    hm ok, ha denkt es chönt an dem ligga wils geg ina booga isch.
    aber gsehts nid us wie wenn da chline teil here gmachd isch?

    Ein guete Rot: Gang zum Mech :winking_face: Denn seit dä dir was gnau isch. Wel so mit 2 Bilder womer so guet wie nüt erkennt, chamer kum sägä, ob nebis am Motor isch oder sus nebis.


    Gruess

    Be faster!