da ich min töff sit em novämber in winterschlaf versetz han, hani bis ez gnueg ziit gha chli dra umezbastlä 
vilicht intressierts öper und drum hani dänkt ich stell doch di chlinä umbaute vor da im forum
na öpis zu de pics, si sind mit em handy ufgno und chöntet besser sie. mini digicam isch ide ferie ohni mich;(
Soziusabdeckig
ja, das gits eigentlich nöd vil zum säge, chaufe und montierä...
[Blockierte Grafik: http://img173.exs.cx/img173/6725/sozius3tu.jpg]
Griffgummis
die originale griffgummis sind mer eifach zlangwilig gsi, drum hani neui kauft im YZF look
[Blockierte Grafik: http://img173.exs.cx/img173/8027/griff7jv.jpg]
Chüelwasserabdeckig
die abdeckig us däm "schöne" plastik isch au ersetzt worde. han mit em kolleg chöne in sini budä go wärche und deht isch dän folgendes entstande... ä abdeckig us riffelbläch
vorher
[Blockierte Grafik: http://img193.exs.cx/img193/6189/plastik6ud.jpg]
nachher
[Blockierte Grafik: http://img193.exs.cx/img193/2717/riffel4qc.jpg]
LED Blinker front
au die "schöne" grösse original blinker sind wäg. ich han sie ersetzt durch LED blinker,sind sau hell. bstellt in dütschland und 4 wuche spöter sinds dän ändli bi mir ahcho.... da die neue blinker logischerwis nöd id alt halterig passt hät unds eh scheisse wür usgseh ha ich mer öpis ihfalle lah. schlussändlich häts dän öpis us riffelbläch gäh,optisch passend zu de chüelwasserabdeckig
[Blockierte Grafik: http://img193.exs.cx/img193/1407/led0gu.jpg] [Blockierte Grafik: http://img193.exs.cx/img193/5609/front0ut.jpg]
LED Blinker back
am heck sind au LED blinker montiert...
ja ich weiss, das plastikheck gseht scheisse us, isch aber nüme lang drah. wird spötischtens ändi februar gmacht...
[Blockierte Grafik: http://img151.exs.cx/img151/8518/arrow4hd.jpg]
[Blockierte Grafik: http://img193.exs.cx/img193/2452/back1dm.jpg]
was na dämnächst mit de post sött cho, isch en chetteschutz us alu mitäme gfräsete R6 logo...
ebefalls chunt au bald en neue uezogne uspuff ane und ebe es neus heck... wird dän das au wider poste
bis deht ane heissts tee trinkä und abwarte
grues LP
Die originale Sprützschutzblech sind eifach es verbreche !![:]](https://www.toeff-forum.ch/wcf/images/smilies/pleased.gif "Freude"){kind=small}
