Probleme nach Service

Würd au wieder zum Mech gha, de sel de Fehler wieder behebe.

Han nach mim letschte Service genau s'gliche gha, kei Power gha und isch viel Hochturiger glofe als suscht, zudem isch nur ein vo zwei Töpf heiss worde (2- Zylinder). Han zerscht au Mal weg de Kerze glueget, aber die hend guet usgseh, denn han en au wieder retour bracht.
Nach 2 Täg han ih es Telefon becho, sie seget go Probefahre und für en 25kw seg das normal, ich bin en go abhole und siehe da, er isch au wieder richtig glofe. Die hend irgend en Mist gmacht und sind ned Mal dezu gstande... Jetzt han ih en andere Mech!

Gruess Fabian

Ich han das mal mitere Suzuki erläbt. sProblem isch de Vergaser gsi...zerst scheiss dräckig gsi und dann falsch igstelt worde...darum kei Power und darum begränzt V/Max.

Zitat von madLemon

so bin hüt abig 18.15 dete gsi wo sie eigentli fiirobig hettet, hends mer en aber no ahgluegt. Ich han die letschte Meter no chöne stosse, so en guete km :).

Es ish würkli, dass nume ein Zylinder gloffe ish, ei Zündkerze hed kei Kontakt gha. Ish natürlich pflotsch nass gsi, hend zersh denkt ich hed die ganzi ziit de choke ahgha und ihrgendwie falsch gfahre, weg er bi de probefahrt am schluss ribigslos gloffe ish ( isher au sho vorher *.* ). Sie meinet die neui Zündkerze hätti ihrgenden defekt gha etc, uf jedefall hend mers nachem firrobig no repariert und sich entschuldigt.

Gad alles super wieder, positive Ihrdruck vode Werkstatt

Wers wüsse wot wellis gsi ish : Werner Keller Motos in Siggenthal

edit// chan mir vllt öber a dere stel sege, wenn mer öbed bremflüsigkeit unds motoröel uswechsle söt oder nachfülle, etc ihrgendwenn mal zeige wie das genau gat ?

Alles anzeigen

Super dass da wieder tuät
Motoröl uswächslä muesch eigetli nöd unbedingt selber machä, da wird jo bim Service (wo du nimmi ah jedäs johr 1x machsch?) gmacht. Bremsflüssigkeit.. ka Git 1000x Aaleitigä uf Youtube, ka wenn die wechslä söttsch. I ha gmeint mit dä Ziit wird si meischtens schwarz, vllt. isch denn scho z spot :whistling:

Freut mi, madLemon, dass dini mühli wieder lauft znd du dim mech e chance geh häsch... wo gschaffet wird, passiered ebe au fähler...

Freu mich au dases weder klapped het..woni geschter na paar comments gläse han hani na denkt es chönt si das ein zylinder nid funzt..

Keller-motos mached ihri sach suscht eigentlich scho guet, und sind netti lüüt, absolut positiv!

Sehr schön, das dini Maschine wieder lauft. Bi dir het de Mech immerhin gseit ah was das es glege het, bi mir hents gseit es seg alles in Ordning, obwohl er nachher wieder ganz anderst glofe isch

Zitat von Mädu

mad übers öl händs dir jo scho gnuag gseit, wia hüfig (bzw noch wia viel km) und welles innemua findsch im handbuach, bzw luagsch uf de rechnig, welles öl de händler nogfüllt gha hät bim letste wechsel, söttsch verschiedeni öl noch möglichkeit au nid grad mische.
jetzt nid falsch verstoh, aber so wiani dini kenntnis i dem bereich jetzt so usse lese, lohn dfinger vo de bremse! bremsflüssigkeit uswechsle isch nid grad öpis für afänger und wenn nochher luft im kreislauf häsch, und dia nid 100% usm kreislauf bringsch, häsch problem bim bremse oder sie bremset im falsche moment gar nümä, daher finger weg vo dem! (hinzua kummt, dass da denn no spezielleres werkzüg bruchsch).

Und aus gegebenem Anlass, für diä wos chönd, hani grad vom louis übercho: Sie brauchen noch den passenden Saft für den nächsten Ölwechsel? Wie wäre es mit dem Öl von Procycle: Das wurde gerade von MOTORRAD getestet und mit "sehr gut" bewertet. Jetzt im SSV kostet der 4-Liter-Kanister ganze 17,99 Euro! Also ich werde da auf jeden Fall zugreifen. Und Sie?

Werner Keller Motos in Siggenthal...
gange niä me git luet diä wüssed wieso.. susch pn.

Zitat von Kermit

Ich han jezt mal bim letzte Ölwächsel das da ineta: http://www.landi.ch/laden/deu/…-OKAY-4-Takt-10W-40-64825

de saft hesch aber hoffentli nöd i din töff kippt sondern i din rasemäher oder ? :cursing: