Ig weiss nid, aber ig ha eigentläch gmeint das säch alli töff-fahrer düä grüssä egal ob Supersportler, enduro, Chopper oder BMWfahrer.
Aber ir letztä zyt muss ig eifach feststellä das äs immer so lüt git wo das nid chöi?!? eigentläch schad oder nid.
Entweder hani öbis bi däm Töffgruss nid kapiert oder de liegt das äuä langsam nüm so ir modä!
was heit dir so erfahrigä gmacht? oder cha mi mau öbär ufklärä.
es esch leider so, dass e hufe ned grüessed. die send sech meistens z guet de zue oder send grad met de lämpli a de glodwing beschäftigt.
ech pesönlech grüesse alles was of 2 redli ond me als 124ccm esch. osser grossi roller. chass gä, aber secher ned regelmässig.
ech fends chli schad, dass e so vel ned grüessed. klar grüess ech au ned, wenni grad met vollem tempo ennere korve legge. aber das eschau öpis anders, als dä grossi huufe wo bem gradusfahre ned grüesst.
tja. leben und leben lassen 
finds au schad. als ich bi am peak sinere meinig alles uf 2 rädli wird grüässt ab 124ccm. (mengmol au 50erli wo en "töff" fahred)
letschti het mi en 50ccm roller grüässt han aber nid zrugg well das sind kei "biker".
aber quads und trikes sind für mi au biker diä werded au grüässt diä grüässet au zrugg.
was ich feststell isch das meischtens vo Harley fahrer nid grüässt wirsch, viellicht well ich en sportler fahr. find i schad. mir hend jo grundlegend s'gliche interesse.
De Peak hät recht.
Ich denke das hät mit de neue Verkehrsordnig au chli ztue, will jetzt alles so eifach isch und Lüt sich Töff kaufet wills billiger isch als es Auto zum Unterhalte.
Für mich sind das ebe kei wahri Töff Fahrer so wie mer die vo früener kennt, wo mit Fleisch und Bluet debie sind.
Also ich grüesse sogar 50ccm, will ich bin au mal jung gsie und hand mit em Töffli sogar grüesst, obwohl nie eine gantwortet hät.Lach 
Han gmerkt zerst lueget Djungs verduzt das en grosse grüesst,drehet sich um und händ mega freud danach.Han das scho X mal beobachtet und ich denke das wenn mer denn das jetzt scho bibringt, das die denn rechti Freaks werded und au alli grüesset.
Mini Gruess Art isch verschiede:
1. Hand links raus strecken
2. Hand am Lenker und alle Finger Hoch strecken
3.Linker Fuss nach aussen, kommt vom Supermotard aus Frankreich
@ Alle Töff Fahrer der Welt
Seit so lieb und grüsst wieder vermehrt
Herzlichsten Dank euer Milan XTX 
weis eigentlich einä vo euch, warum das sich töff-fahrer überhaupt tuet grüessä??????????????
Söll mines wüssens na bedüte dass "d'Luft rein isch" und nöd grad hinder em nögschte Egge e Razzia gmacht wird.
Ich haltes au so, Grüesse alles mit Schaltig ab 125ccm und Quads und ebä falls irgendo Kontrolle zeigis de Entgegekommende au aa.
demfall nöd!!!!
han mich au muessä ufklärä lah!
rein theoretisch ischs ebä kein gruess sonder es zeichä, dass d'strass in ordnig isch und hauptsächlich das es kei polizeikontrollä git... uss dänä gründ isch dä hütig "töff-gruess" entstandä!
aber ebä, uf das würd ich nöd zählä...
---------------------------------------------------------------------------------------------------------------------
dä händ sich euisi biträg grad überschnittä....100pünkt für dä admi
Auso abgse dr vo ob iz dr töffgruss us derä Bulläwarung entstandä isch oder nid. Ig würd ämu diä andärä o warnä wenn ig würd gse das si Kontrollä machä ob gruss hin oder her
isch aber nett vo dir..... 
ich grüesse alles mit fuessschaltig (vespas sind nämli handgschaltet).
weniger grüesst wird:
gruess a all
nee sory, abr quads und invalide drüürad (trike) si auso aues angere aus töff.. die grüssi emu aube nid
abr die mti de 50ger töffe, die chasch jo fasch nüme ungerscheide vode grosse.. (emu d yamahas..)
und wennmi e roller grüesst grüessi zrugg, wüu de isches e freak wo druf wartet bisr ändlech 18ni isch und ou darf grossi töff fahre =D
edit: has ääxtra nume für di gänderet dz 
hahahaha... und was isch wen ein en schtaatliche mit sim bmw töff grüesst ??
isch mer z tüürle passiert, nach dem mer 3 mal annenand verbii gfahre sind *g*
bi nümme druus cho wo de mi grüesst hett lol
was händ ihr eigentlich alli gege polizei?
