Für all wo denket mitem Töff segeds di schnellschte 
Ok, ich glaub de R1-Pilot het chli me Gas chöne ge, wäred dem de Porsche sichtlich am Limit isch.
@Cardrivers: Fahred mol schneller umd Böge, es goht nämli scho und denn stönder au nüm im Weg und müend eu nöd über knappi Überholmanöver vo üs Töfffahrer ärgere 
Aso erstens...
Ich glaub au das dä Töff fahrer nochli schneller hett chönne..
Zweitens: Autofahre isch jo eifach...chli i dä Kurve bremse wenns nöd gad goht..und bim Töff isch das e Kunst...
Drittens: E R'1 chasch mol no schnell chaufe..en Porsche nöd...und wennt der eine chasch leiste den fahrsch uf dä Päss und so e zimlich verhalte und häsch Angst um dis Auto..vo dem her..Bisch ebe glich schneller..
greez...
joa. den hobi au schon gsehn.
hmm. d gschwendigkeit vom töff. ech weiss ned. aber ech glaube ned, dass dä no vel schneller hät chönne fahre. hend er mol d verhätnis vo dere piste gnau a gluegt? esch doch rächt holprig a teil stelle.
aber easy er esch jo gliich 0.44 sekonde schneller gsi.
Zu dem Thema säg ich nüüt, weiss nöd wer jetzt do wo schneller söll sie. Isch mir au zimlich egal, bin bis jetzt ämäl no niä vomänä Auto überholt wordä wo mä chli hät törfä gas geh.
Aaaa, de torretto isch a do.... *jupii* 
So trifftme sich wider
Aso ich bi scho vome Golf ide Kurve usseume überholt worde. Aber das isch eini vo mine erschte Fahrte gsi ufm Töff Aber ha de Spiess denn mol umtrüllet und en Golf usseume überholt... hät nöd so Freud gha, isch uf de Gerade jedefalls öppe mit 160 wider verbii... tja 
mir dörf als töffler eifach nie vergässä, dass mir zwei rädli weniger händ....und das isch dä springend punkt!!! denn wenn einä chan richtigä mit sin äuti umgah hesch eifach kei chance, da muess mer eifach realistisch sie!
Das isch wahr! Ok, sooo guet muesme sis Auto gar nöd im Griff ha zum schneller id Böge zgo. Autofahre isch au relativ eifach (wie es schwarze Schoof scho gseit hät) Aber wiso fahrets denn nöd eifach schneller? Es Töffläbe wär soovil schöner
@ sugibängel. Also do gohn ich mit dir nöd unbedingt einig. Ich mein bis einä mitäm Auto schneller isch muäs er aber brutal guät chönä fahrä. Oder äs Auto ha wo andersch lauft. übärän Pass wo d'cherä eng sind hät än charä nur scho wägä dä Beschleunigung kein Stich. Hans selber erlebt gegän Ferrari und das isch wohl nöd aifach äs Auto und er hät würklich gas geh, das hät mä ghör und a dä drifts au gseh. Und lugä mol amel ufäm Nürburgring oder so, diä Autos fahrä jo gegä Töff wiä drürädli isch also sehr seltä das einä mitäm Auto schneller isch, usserd dä Schuämacher isch grad döt oder irgendeinä mitäm 800PS golf oder so än scheiss. d'Frog stellt sich eigentlich nur öb s'Risiko willsch ihgoh, gegä äs Auto chli z'Race.
Jo isch aifach mini Meinig und anderi Erfahrigä han ich nonig gmacht, aber törfäd mich gern belehrä.
@ 4ska schön das du zu üs gfundä häsch. ;-))
also...
erstens: das isch di erst R1 wos gäh het. Bauhjahr 98 mit ca 150 PS... 05er R1 mit 172PS wär sicher schneller gsi..
zweitens: überzügt mich dä töff fahrer nöd würkli. behaupte nöd dass ich besser cha fahre, aber chli meh wär sicher drinne gläge..
ich motorrad heft händs mal MV Agusta(145PS) VS Lamborghini Gallardo (500PS) uf dä rännstrecki ahträtte lah..dä lambo isch 10 sekundä langsamer gsie als d`MV...es sind zwei Profifahrer gsi
Ich finde grundsätzlich söttmer Töff und Auto nöd vergliiche... scho gar nöd ufemene Rundkurs... 
do gangi met em lucio einig, das send 2 verschiedeni wälte!
cu charllie
kei chance mitämä töff gägä äs auto wo chle power hed z.b. evo etc.
evt. bim grimsel, wills eifach ä superstrecki fürnä töff isch (langi gradänä).
und de wo meint diä alt r1 mit "nur" so und soviel ps 
zeig mer der wo diä alt r1 voll uusfahrt. grundsätzlich bin ich dr meinig das diä meischtä scho nä 600er nüd voll chönd fahrä.
meine rede... (danke )
meistens cha smaterial eifach meh als de fahrer...
und das es auto meh verzeicht isch eh klar,chan us erfahrig rede
zB: min mit mim ehemalige auto, celica turbo 4wd bin ich uf minere huusstrecki definitiv schneller umd böge wie mit em töff,
vilicht gängt scho na meh, bi entsprechend halsbrecherische fahrwiis, aber so chli blech rundume beruhigt halt scho
Geils Video
Und das zeigt sehr guet d'Vor und Nachteil vom Töff.
Start: Wuuuuum und weg, i de Kurvige strecki wird er überhohlt, langi gerade und er schüsst eifach am Porsche verbie, wieder Kurve und er wird vom Porsche überhohlt.
I bin zwar kän Rännfahrer und han au nöd viel erfahrig, aber für mich gits da nöd viel z'Diskutiere was jetzt schnäller isch!
De Töff uf de Gerade und s'Auto i de Kurve, so eifach .
Oh ja, wäge gäge 800PS Golf ahträtte. Det isch de Töff i de Kurve vielicht sogar schnäller, will für en Golf isch diä leischtig viiiiel z'viiiel. Und en Normale Töff gäge en tunte Karre ahträtte lah isch sowieso schwachsinn (wird aber immer wieder gmacht). Normal gäge Normal oder getunt gäge getunt.
I wett mal gseh, was so en 800PS Golf gäge d'500PS Hyabusa vom GhostRider wett mache! 
