Hmm also bim einte Töff vo mir wo scho rächt lang umestat hets unger am silbrig Teil vor Gable (Standrohr? wie heisst das..) e zimlechi Ölschicht! Das heisst jo äuä dass d Gable undicht isch oder?
Chani i däm Zustand no bis zumne Mech fahre? Oder muesi das zersch flicke? 
chunt drufaa wie fill dass da uselauft und wie wiit dases zum mech isch. solangs nöd gad literwiis uselauft (s'öl wird ja dünnflüssig wenns warm isch) langet en lumpe drum würi säge. eifach so dases sicher nöd tropf will das wär "chli" scheisse, bsunders uf de brämsschibe oder ufem reife 
Vielecht isch jo d dichtig nümme 100% dicht....
Auso grad tropfe duets scho nid 
Aber i dere Zit woner gstange isch het sech halt chli öpis agsammlet. Das mitem hudu drum wickle isch sicher kei schlechti Idee.
Benny jo i nime a dass es nume dr Simmerring/d Dichtig isch! Wär süsch nid so guet..
Cha das jede Mech bi jedem Töff mache? I ha drum ke Ducati-Werkstatt ir Nechi, wär guet weni ume hurti zum nächste Hondamech chönt fahre für das
jo chan jede töffmech mache wo chli ahnig het, und ja du sötsch die simmering ersetze lah, du hesch ja keis expansionsgfäss wo du das öl chasch nafülle, also das wo dusse isch, isch dusse. somit verschlächtered sich dini dämpfig vorne massiv, also chan richtig kriminell werde
I darf aber noni fahre u mues dorum no 2.5 Mönet warte.. i hoffe es het bis denn no Öl drin. Am beste tueni itze scho e lumpe drum wickle, vilech chani ja no öpis rette.
Fingeni guet dass das jede cha, mues i däm fau grad mou alüte dass die söue Teili bstelle oder nacheluege öb si se hei
ja da sind simmerring nüme dicht, würd mir unbedingt noii hole, wenns öl ufd brems chunt...game over! den kasch grad no neui bremsklötz hole. günschtigi simmerringe chunsch im http://www.goetz-motorsport.de über, sind 2euroz oder so...
Aha merci für dä Link! I tue de hüt am Abe mou luege öbi öpis passends finde, iboue cha se jo de när dr Mech 
Aber we die Teili bstelle si si meistens nid würklech günstig..
i würd da schnell selber mache, ghot schnell! 30 min und fertig!
Jo? Hesch mr grad en Link zunere Aleitig oder so im Internet, wäri natürlech ideal 
Brucht me keini spezielle Grät oder Werkzüg?
yep, da hesch alles was dreperatur betrifft
http://ktmexc.de/werkstatt.php
probierder doch irgendwie es werkstatthandbuech zbsorge (duc-forum oderso). dööte isch amig alles super beschribe.
spezialwerchzüg bruchts glaub kei. also weiss nöd wies bide duc-gable isch aber bi dene woni bis ez gsee han bruchtses nöd.
EDIT: ok im zxr-werkstatthandbuech häts scho paar spezialwerchzüg. chunt halt chli drufaa was füre gable häsch. voll istellbari usd isch schochli komplizierter als e normali tele ;).
@ milhouse wännt d`simmerringe wächsle tuesch ond upsidedown gable häsch, muesch s`ganze öl ablo, ond au sosch wöri secherheitshalber mal wächsle...
aber of`s rechtige gabelöl achte!
I bi grad dranne sones Werkstatthandbuech z sueche. S wird wohl öper in PDF ha.. i hoffes emu, die si süsch huere tüür
Jo isch upside-down! Aber i hät scho ou vor gha das z wechsle, schadet jo sicher mau nüt. Usserdäm weisi ja nid wiviu usegloffe isch, u d Mängi sötti ja scho gnau stimme...
