So, ich han angesichts vode Wätterlag entschide das mini Saison ändgültig fertig isch ;(.
Ok so schlimm isches au wider nöd (nonig) will ja no paar Sache umboue. Han also hüt mal aagfange schruube. Wirde da ine eifach chli Bildli poste und chli dokumentiere :). Für mich würi das sowieso mache und filich interessierts ja de eint oder ander also werum nöd grad da im Forum.
[SIZE=2]Schaltblitz[/SIZE]
De Schaltblitz hani bi MRP bstellt. Dezue muni filich säge dasi nonie so en super Service erläbt han wie döte, am Sunntig innerhalb vo 2 Stund antwort uf Mails, schnälli liferig und eifach alles so wiemers sich wünscht :D.
Das sind alli Teili wo im "Päckli" sind:
[Blockierte Grafik: http://home.zhwin.ch/~neukochr…/schaltblitz/IMG_0452.JPG]
Montiert im Cockpit:
[Blockierte Grafik: http://home.zhwin.ch/~neukochr…/schaltblitz/montiert.jpg]
D'LED's sind würklich schön hell und mer gseets guet usem Augewinkel. Drehzahl lat sich über es Poti mit 20 Umdrehige iistellbereich iistelle. Einzige mange isch das sKabel zude LED's sehr churz isch und mers mun verlängere wennmer s'Stürgrät im Höcker hine hät.
[SIZE=2]Carboncockpit[/SIZE]
Mir isch im Lauf vode letschte Saison dHalterig vode Kontrolllämpli abbroche. Die ganz sach müsstmer entweder schwiesse oder en neue Halter chaufe. Beides gfalltmer nöd so und drum hani dänkt wenni eh scho alles mun userupfe verbindi das grad miteme Cockpitumbou. Sprich e Carbonplatte wo dänn die Lämpli vo vore verschruubet werded und nöd hine wos ez abbroche isch.
07.10.04 Carbonplatte
D'Carbonplatte hani bide Sutter-Kunststoffe AG (http://www.swiss-composite.ch) bstellt. Es gits mit feschte Mass, die sind chli billiger, oder med chan aagä wie gross dasmers wett. Es gäbti au dMöglichkeit Teili fräse zlaa, isch für mich aber nöd in Frag cho will es söll ja nüt choschte und chli öppis zTue gää de Winter dure :D.
d'Mass sind 350x150x2,0mm
[Blockierte Grafik: http://home.zhwin.ch/~neukochr…arbon_cockpit/karbon2.jpg]
gseet doch rächt dekorativ uus :D:D
[Blockierte Grafik: http://home.zhwin.ch/~neukochr…arbon_cockpit/karbon3.jpg]
19:12:04 Cockpit Uusbou
Demit ich überhaupt mal irgendöppis han chöne aafange mun das ganze Züüg als erschts mal vom Töff weg. Usserdem isches im warme Chäller einiges aagmämer als ide Garasch ;).
Werdegang:
[Blockierte Grafik: http://home.zhwin.ch/~neukochr…u/cockpit/ausbau/flow.jpg]
Das isch das woni han müse abschruube (gar nöd mal so fill gsii :D) und sCockpit ide Einzelteili:
[Blockierte Grafik: http://home.zhwin.ch/~neukochr…/cockpit/ausbau/teile.jpg]
Da bide rote Chreis isches broche. Das Teil isch di ganz Ziit umebambelet und hät komischi Grüsch gmacht vode Vibratione bim Fahre *g*.
[Blockierte Grafik: http://home.zhwin.ch/~neukochr…/cockpit/ausbau/bruch.jpg]
Und da no 2 Bilder vom Elektronik-Geschlachte ide Front. Isch echt chli üübel und z.T au verbaschtlet (2 verschideni Stecker für dBlinker). Das tueni auno grad chli richte wenn alles scho weg isch.
[Blockierte Grafik: http://home.zhwin.ch/~neukochr…ckpit/ausbau/kopflos1.jpg]
[Blockierte Grafik: http://home.zhwin.ch/~neukochr…ckpit/ausbau/kopflos2.jpg]
[SIZE=2]Solohöcker[/SIZE]
Ich han vom Dark_Force sim Brüeder en GFK-Solohöcker chöne haa. De mun demiter bi mir einigermasse uusgseet (:P) natürlich neu Lagiert werde und ich wott da mit de Befeschtigung no öppis ändere. Zuedemm chömed dänn dSoziusraschte weg, bzw en neue Uuspuffhalter, e neui Numemreschildhalterig und evenuell no e Heckunderverchleidig ane.
Höcker im Aafangszuestand
[Blockierte Grafik: http://home.zhwin.ch/~neukochr…nts/bilder/heck/heck3.JPG]
So gseet die ganz Sach montiert uus:
[Blockierte Grafik: http://home.zhwin.ch/~neukochr…ilder/heck/test_heck4.jpg]
Und so söttis dänn mal uusgsee:
[Blockierte Grafik: http://home.zhwin.ch/~neukochr…r/heck/test_heck_fake.jpg]