Was haltet ihr von 50 ccm motorrädern?

    Was haltet ihr jetzt von 50 ccm motorrädern? Danke für eure antworten 37

    1. Jeder muss mal klein anfangen (17) 46%
    2. Ich sehe sie als roller an (16) 43%
    3. Ich fahre/fuhr auch mal 50 ccm (10) 27%
    4. Ich sehe sie als motorräder an (3) 8%

    Hallo zämä.
    I bi nöi im Töffforum. :smiling_face_with_sunglasses:
    I bi 16i und 50erlifahrer :thumbsup:
    Ha iz wöue frogä was dir vo 50 ccm motorräder hautet? Lueget dirsä aus töffä oder eher roller ah ? Äs git jo viu wo öpis dergägä sägä. Aber würklech viu ahnig hei die jo ni. Da jedä mou muess chli ahfa....leider :wacko: Oder hets hie no angeri derbi wo füfzgerli hei/fahrä/gfahrä si?


    Fröiemi uf euchi antwortä :grinning_squinting_face:


    Mfg. KingSM

    I de Umfrag fehlt de Punkt "nichts". :grinning_squinting_face: Ich bins au mal gfahre, ha aber nie en eigene gha, aber mal da mal döte vo de Kollege usglehnt. Darum hani das au akrüzlet, aber d Antwort isch effektiv, ich halte nüt vo dene. Sie störed mi nöd, sie mached mer au kei Freud, ebe, eifach garnüt. Mit 16ni dörfsch eh nüt anders und es isch ganz cool i dem junge Alter mobil z si, aber es isch weder Töff, no Roller, es isch en chline Rasemähermotor (en Rasemäher het meist meh Kubik) wo es Getriebe und e Strassezuelassig becho het.


    Würkli uf de Sack gönd mer eigentli nume die 50er Mongos wo sich zämerottet und die ganz Nacht um de Bahnhof und i de Siedlige umefahred und no besser, die wo im Roller im Helmfach e riesigi Alag verbaut hend und denn krass tüend. Das sind aber zum Glück nume die wenigste.

    READY
    TO>>
    ALUKÖFFERLI

    Prinzipiell hab ich nichts gegen die kleinen Stinker. Abgesehen davon das ich den dingern nicht gerne hinterher fahre, da ist eine gasmaske Pflicht :face_with_tongue:

    Kurvenfieber ist eine Krankheit die nur durch erhöhte Schräglage kuriert werden kann!

    Ich liebe de gruch wie au vo allem andere benzin wo verbrennt wird :thumbsup:


    Grüesse au 50erli, gsehn sie aber eher als Roller wills nid laufet :grinning_face_with_smiling_eyes:


    Und überholt wird sowieso alles was meh als 1 Rad uf de Strass hät, bi töff mit 1 rad uf de strass bini nohnig gnueg schnell zum überhole :pinch:

    I suck everyone else is great :!: :!: :!:

    Haha. Ja thouptsach isch ja mi isch mobiu u mit 16 isches ganz geill. Mi het haut zur uswau roller mofa oder 50gerli. :grinning_squinting_face:
    Aber zbestä legalä womä i dämm auter cha fahrä isches eifütig!

    also mit 16 chame ned roller und töff ha, drum würdi jetzt en roller nä, willl das i dem alter halt eifach praktischer isch.
    fahrspass hesch sowiso bi beidne ned. und lieber 5 stund ufem roller als 5 ufem "Töff" - li, will de popo wird dir danke :winking_face:
    Und din linke Körperhälfti verchrampft sich bim permanente schaltvorgäng ned

    Wie meinsch das mit mi cha ni beides ha? Es git jo wächsunummero. Geid doch ou für 16 järigi oder :?: :whistling:

    suech mol di eltere wo sim chind seit: demet du ou am woche end chasch töff fahre, bechonsch no en tzr50(het sogar no de glich motor wie aerox und co) :huh:


    und sowieso wenn wotsch afange töff fahre, denn chauf der en 2takter 125ccm, do chonnsch wenigstens no vorwärts au wenns scheisse tönt!

    Fahre selber e Yamaha TZR 50 :smiling_face: naja i 37 Täg. Denne wirdi 16ni.
    Ich gseh 50zgerli als 50zgerli ah. Roller sind Eoller und TZR etc. Sind ebbe 50zgerlis.

    Benzin im Blut, vom Töffli Bueb zum Ghostrider.

    nei! ich ha die phase zu beginn 2003 au gmacht gha: 50ccm roller und 50ccm "töff". Roller isch halt praktiscsher als en Töff wäge de Helmfach ebe!!!! und bi 50ccm muess minere meinig no - wome 16ni isch - viel wichtiger si, will mer de alltag mit dem fahrzüg darf oder mues bezwinge meh praktische Nutze erfülle zha als bim "Töff" glicher hubrum hesch.. es foht scho ah bim fahre: du schaltisch bim roller ned wie en BEHINDERTE gar nit. Wenn das wotsch lehre lehrnsches bim 125ccm 2takter (de TZR 125 2Takt het meh leischtig als de YZF R125 wills scho en 2Takt motor het)... Es goht mer halt um de "PRAKTISCHE LERNWERT"!!!
    I meine höt hani wieder mol bimene Tour bestätigt becho, das en 4Takter weniger schnell ufem 80er strecki isch. wie ich "früehner" miteme TZR125 uf 100km/H gsi bin...


    Ich meine ich bi kei alte sack, aber die alti dinger sind ebe scho besser gloufe, wie die höttige "Eisdiele" "Motorräder"... (mini meinig, halt Old School) ABer die gedanke dehinter: Ab 18 chasch mit 125ccm lerne und mit 21 nach 2 johr Praxis mit "Motorräder" isch für mich gar ned so verkehrt... ( ich hetti mi mit de hötige Regle mit 25kw meh als einisch umbrocht will ich mi met de leischtig bezüglich 25kw mit 18ni ned klar cho wär...) :grinning_squinting_face:


    i weiss mit 17ni bini trotzdem mitdem 125ccm "Töff" vom brüetsch umegfahre, will i schneller und cooler gsi bin, aber ebe: Im nachhinein ist man immer schlauer!

    6 Mal editiert, zuletzt von Skyliner ()

    Zitat von Skyliner

    ... ( ich hetti mi mit de hötige Regle mit 25kw meh als einisch umbrocht will ich mi met de leischtig bezüglich 25kw mit 18ni ned klar cho wär...) :grinning_squinting_face:


    Haha true story :grinning_squinting_face: aber umbrocht hani mi bis jetzt nohnig wird aber immer knapper :face_with_tongue:

    I suck everyone else is great :!: :!: :!:

    Zitat Skyliner: .....Ich meine ich bi kei alte sack, aber die alti dinger sind ebe scho besser gloufe, wie die höttige "Eisdiele" "Motorräder"... (mini meinig, halt Old School).....



    *hust-räusper*



    aber Old School hat schon was für sich :thumbsup:

    Der Kern eines guten Motorrades liegt in der Technik, NICHT in der Optik :grinning_squinting_face:

    Schleichfahrt ist ein Betriebszustand von getauchten militärischen U-Booten


    [font='Times New Roman, Times, Georgia, serif']
    https://www.youtube.com/user/katpava/videos