Guten Tag liebes Motorrad und Töff-Forum der Schweiz 
Heute isches so wiit gsi, wiederemale han ich mi an e ersti Praktischi fahrprüefig gwagt....
Ohni grossi erwartige, es isch bi mir scho praktisc tradition dasi die erst, wonni de amigs gange ner go schaffe verhaue, hani mi ufe weg dert ane gmacht, an dunkle ort, wo d schatte und abgründ vo de menschheit ihri arbetsstell nenne, MFK in Bellach.
Churzfristig hani mi entschide de hütig tag komplett frei z neh, us eim Grund, bim 2te ahlauf hani immer de ganz tag frei gha, und immer bestande.
also Ohni grossi erwartige bini uf d MFK tuckeret, derte de de Prüefigskolleg troffe, en ältere herr (ebbe so zwüsche 45-50i) wo au e kawa fahrt.
Ner heimer eus an Parkour gmacht, ich ha "derfe" ahfoh. mit riese Bamel hani mi ad Spuurgass gmacht, vill mit de kupplig gspillt und s gas konstant bi ebbe 5% 
gloh, hett wwunderbar klapet, ner grad direkt in Slalom, rechts ume, links ume, rechts ume, linksume chere, rechts ume etc, rechtsume chere links ume, bis zur mitti au wunderbar gange.
also wiiter zum 8i drü mal müesse macxhe, nach 2.5 mal hetts gheisse isch guet. ner "notbrems" us 50 schön gmütelit id chlötz, hett nebebii na chenge Zittig lese. natürli alles im rahme. Kommentar vom expert, er hett nan ie ebbert so entspannt bir notbrems gseh, hanem gseit hans halt vill güebt
ha schlecht chenge sege dasi i de Päss ohni not vill stärcher brämse muen :whistling:
ner ischer mir hinde druff ghocked (wiesoo eigech immer ihg alles zerst macheee) gott isch de typ schwer, also lostuckeret, bim 2te fuessgängerstreife hani im augewinkel plötzli gseh ebbis schnell uftauche, sofort uf d chlötz, de dubel hett sech niene ghebet u dätscht mir voll in rügge :cursing: augewinkelding, isch es alts omi gsi wo ufe fuessgänge zuegloffe isch, nüt gfährlechs, also hani denkt, scheisse die Prüefig isch gloffe, ner efach alles fertig tuckeret bismer zum Parkplatz cho sind wo de ander scho gwartet hett.
derte ischer abgstige, linke fuess, rechte fuess. isch uf mich Zuegloffe, rechte Fuess, Linke Fuess hett sech nach rechts, zu mir dreiht mir tüü¨üüüf id auge glueget u gseit:
Herr Strub, das bi dem Fuessgängerstreife isch ned guet gsi das Wüsset si sicher? (ich hasses wenn mich lüüt siizet, de chumi mir immer so alt vor)
ich natürli bi dem satz i mine gedanke bestätigt dasi namal darf gah 
Aber will si susch alles würkli hervoragend gmacht hend, lah ich da loh düregah, Ich gratuliere Ihne zur Bestandene Prüefig!
ICh bi us allne abgründ uegfloge 
han de zrug uf d mfk müesse u so de rescht isch ja eigech egal wichtig isch :::
De Without_sprit hett jetze für immer u ewig kes L meh 
ihr dörfed mir alli eis am Höck usgeh 
Wennder mich sueched, ich gange ar Schwiiz mis wunderschöne, L lose Hinterteil go zeige 
PS:
jetze gahs na genau 2 Johr u 5 mönet ner fahr ich e CAGIVA V-Raptor 1000 
