Vori hani denkt i chöng mau mini Duc wider alo, itze wos 6° isch dusse söts nid sones Problem si...aso Akku glade, ibouet und wöue alo aber usser 5 Minute orgle isch nüt gsi. A was cha das ligge? Aso was gits für Sache wo während emne Winter sozsäge vo selber chöi kaputt ga?
Sicherige hani aui überprüeft, und dr Benzinhane isch offe. Dä isch übrigens dr ganz Winter offe gsi, aber dr Töff het e Benzinpumpi de söt ja das nid sones Problem si vo wäge Vergaser vouloufe oder? 
Hm....also bi mir isches au es längers Prozedere gsii. Han zersych mal dBatterie fasch leergoglet..nacher 30min glade und nomal gorglet...irgendmal isch dänn gange.
Chume au grad vom Fahre...hät nach 2 Wuche Standziit au wider guet 2min brucht bis si gloffe isch ;).
Hm das mitem Bänzinhahne...es isch halt so, wenn de offe lasch und de Gaser nöd leerlaufe laasch bilded sich Ablagerige vom Bänzin... chan der dänn irgendmal Düse oder so verstopfe. Han mini zxr ja mit wenig km kauf und isch au fill umegstande....di einte Düse sind vom Duchmässer no halb so gross gsii und im Gaser ide Egge häts dick ablagerige gha. Dänke aber das brucht me wie 4 Monet und verstopft nöd plötzlich alles.
woni Min Topf montiert han, hani min Hobel nach ca 3 Mönet usem Winterschlaf gholt... han ca 20min. brucht bis er gloffe isch.... usem stand isch gar nix gange, hanen immer wider gschobe und mit de Kupplig (im erste Gang) gspielt.... denn isches gange...
Apropos Topf....mit dB-Eater springt mini schnäller ah als ohni....ohni häts auschomal e schöni Flamme produziert bim orgle 
.
Hmm de hani vilech eifach zweni Geduld gha! I däm Fall probiereni no witers und süsch muesi halt glich einisch dr Vergase reinige, schiist mi zwar huere a
dB-Eater hani nid, aber ig ha ou dr Original-Top druffe 
langsam muesi aber de glich Angst ha dass d Nachbare chöme cho motze wägem Lärm (vom Flueche)
Hi Leute
hab mir beinahe einen Wolf gekickt als ich nach 6 Monaten Standzeit meine WR wieder zum laufen bringen wollte. Seit froh wenn die Kiste einen E-Starter hat 
Zum Starten: wenn die Kiste nicht sofort will, dann Benzinhahn wieder zu und Vergaser leerlaufen lassen (nicht leerorgeln, sondern Entleerungs-Schraube öffnen). Geht natürlich nur bei Vergaser-Modellen, Einspritzmodelle sollten keinen Stress machen.
Weiter: überprüfen ob nicht irgend ein Scherzkeks mal was in den Auspuff gestopft hat (macht man manchmal selber, z.B. einen Lappen mit WD40 eingesprüht reinstopfen damit der Topf nicht von innen rostet). Wer Plastiktanks hat (vermutlich nur Endruos) wird schon wissen ob die Dinger Gasdicht sind - wenn nicht (wie meine Mühle), bleibt nach langer Standzeit nicht mehr viel zündwilliges Gemisch übrig. Stahltanks sollten hier problemlos sein.
Wer die Batterie ausbaut zum laden: kontrollieren ob alle Anschlüsse wirklich sauber und richtig angeschlossen sind! (auch die Erdung an den Rahmen). Ganz fies auch, wenn man so ganz nebenbei vergisst, dass die Maschine ja noch einen Killschalter hat 
Wenn immer noch nichts geht, dann mal raus mit der/den Kerzen und kontrollieren ob die noch in Ordnung sind. Gerade bei langer Standzeit kann sich Gammel bilden der zusammen mit paar Tropfen unwilligem Sprit zur sofortigen Zerstörung der Kerze führen kann (infos vom Honda-Mech, speziell für Africa-Twin Fahrer!).
Auch wenn die Batterie noch zu funktionieren scheint - nie endlos orgeln. Die Spannungsspitzen sind gigantisch (die Kabel werden so heiss, dass man sich die Finger dran verbrennen kann) - und irgendwann raucht der Anlasser ab, der Wandler geht ins jenseits oder es haut mal ne Sicherung raus (könnt man auch mal kontrollieren wenn nichts mehr gehen will). Allgemein: nach längerer Standzeit die Lichtmaschine entlasten und alle unnötigen Stromverbraucher abstellen - hat bei meiner Twin und der WR dann schliesslich auch mal zum Erfolg geführt.
Wenn die Karre beim Einmotten noch gelaufen ist, kann es so schlimm nicht sein. Bis in paar Tagen, wenn die Temperaturen vertretbar werden, bekommt man das auch wieder hin.
Marc
Also... mi Töff het au nöm welle asprenge...ha jo au e Duc...
Ei Frog....besch evt sletscht mol, bevor ne igwenteret hesch, im Räge oder wärend em schneeie gfahre??
Bi mer schiint nämli das sProblem zsi... ergendwo hets bizeli Wasser iezoge (bi Ducs es bekannts Problem) .. de Mech het gmeint de Vergaser mol aluege... ond halt Wasser entferne fals das wörkli passiert wär
Ond bi de Cherze.... die chönd au de Aschiin mache das no guet send... ond halt glich kapott si... das heisst elei öberprüefe öbs funkt klappet do ned.. wör die halt eifach au mol ersetze..
Cha der evt meh säge sobald ech mi Töff weder vom Mech öberchome 
Mini chunt eigentli immer ohni Problem. I muess eifach chli gas gäh bim orgle und den brüllt sie uf.. Lahn si den es paar minute im standgas laufe bevor i los fahre. (also nur wenn sie lang gstande isch).
Han no en grosse Service gmacht mit Ventil iistelle etc, was choschtet da so bi Eune Maschine?
grüess Thomas
auweia... den hani am sa. wohl au öppis vor mir hmpf
ZitatOriginal von Spike
ohni häts auschomal e schöni Flamme produziert bim orgle
hehehhehehe dann weisst du wenigstens das sie benzin bekommt............
Merci für die usfüerleche Antworte! I denke itz sötis scho irgendwie schaffe und süsch halt de ou zum Mech.
@DeepZone
Ja wär froh weni chönt erfahre wases de gsi isch bi dir. D M6 het ja gloubs dr glich Motor wie mini?
Edit: Er louft! Akku glade (mit Solarstrom für guets Karma), e halb Stung dr Töff a d Sunne gstellt und 10 Sekunde ufe Alasser drücke
Milhouse.
fröit mech för dech. esch worschinlech eifach chli vell gsi. so lagn sto ond de no be chaltem wätter welle of toure brocht z'wärde.
Ech muess zersch mol mini maschene botze ond d verschalig weder dra mache. denn mach ech mech denn au weder dra mini zom laufe z brenge. aber de nio macht mer muet. mol luege wes use cho werd.
Bi de mSchöne Wetter wo mer hüt gha hend hani gfunde musi min Hobel mal wider über d`Strasse jage... zu mim erstuhne han ich de grad bim erschte versuäch zum laufe bracht!!!!
Sell mal na eine sege Suzi seged en seich... 
Uiii Läck mini Hornet hät den au nöd würklich wöllä.... 
Aber jo mit vill Schweiss und chli Usduur klappät alläs. GSX-R wiä gwohnt ahlasser und rhhuuuuäämmmmm...
Also ich ha überhaupt kei Problem gha..
Mini Fazer isch bim dritte/vierte Alauf cho, zwar nomol verreckt, aber nochher ohni Problem wieder aglaufe.
Und minnere KTM han ich de Vergase ablaufe loh, Benzinhahn uf, chli gwartet und bim dritte mol kicke isch sie glaufe.. Und wohlverstande, sind beidi sit letscht Herbst nüme glaufe..
Villicht liit's a de bessere Luft wo mer do uf em Land hend..
